奧運與我

奧運期間, 我每日都早左起身, 相對亦都早左訓, 果然係一件有益身心既盛事!

自8月8日起我幾乎都無出過街, 日日攬住個電視過日晨, 日要睇奧運, 夜又要睇溏心.. 好忙呢! 屋企有高清電視, 無線做廣告, 就即刻轉去高清翡翠, 再唔係亞視都有三台高清奧運台,, 睇到眼都乾~ (我尋日先知沙灘排球都係奧運項目)

今日朝早有男子團體體操, 下午有女子雙人跳水,, 好好睇呢!

依家係屋企都會買定好多乾糧預備不時之需, 有自己屋企真好, 想點都得, 唔洗理其他人....

今日午餐好豐富, 去片!

炒西芹 + 香煎魚餅

魚餅現成係吉之島買既, 一pack有八件, 返屋企略煎至金黃已經可以食, 好好味!!!!

除左有魚肉, 仲夾左一層薄薄既芋蓉,, 好好味~

呢包牛油多士係家姐送俾我, 一直好想飲湯配黎食, 點知買左罐頭湯但屋企無罐頭刀, 拖到今日先食到, 好彩未過期!

一片片超級迷你, 原來就咁食都好好味, 好香牛油味啊!!!!

是日餐湯 : 洋蔥湯

浸d多士落去都依然食得出有好重牛油味... 正正!

中國又多左兩面金牌 : 男子團體體操 & 女子雙人跳水!! YEAH~

其實女人睇奧運好特別, 除左支持祖國, 支持有興趣既項目外, 我最鐘意睇靚仔 + 大隻佬,,, 佢地d 雞肉好發達哦~~