有感而發

今日又掛一號風球, 以前要返工既時候, 成日都望打風, 最好打八號波, 唔洗做!

依家唔洗返工, 就唔想打風, 因為打風落雨會令人心情唔好, 無得出街!!

同一件事, 係唔同情況或年紀就會有唔同感覺

所以, 呢個世界真係無絶對!

無人可以肯定自己呢一世人一定會點點點...

曾經覺得難食既食物, 有一日可能會覺得好食

曾經鐘意既顏色, 有一日都可能覺得好難接受

曾經瘋狂鐘意既明星/公仔, 都會有冷淡既一日

甚至曾經深愛過既人, 都會有情變既一日

人生就係咁變幻莫測...

唯一可以肯定既係,, 我Daddy永遠都係我至愛既人!!!

但我唔知道佢幾時會離開我?  諗起呢D野.. 我會好傷心, 好心痛!

所以我無時無刻都會好掛住佢, 好緊張佢, 如果電話搵唔到佢, 我會好驚!! 因為我怕佢會有D咩事!

可能Daddy有時都會覺得我好煩, 但係我知就算我幾煩佢都唔會嫌棄我, 所以我會繼續煩佢! 哈~

唔知幾時開始有人同我講, 你依家覺得你屋企人/情人/朋友煩, 你會反感, 覺得討厭! 但如果有一日佢唔再煩你, 唔再理你既一切, 到時你想再有人煩你, 都已經太遲!

唔知今次會唔會掛八號風球呢?