慶五環

今日係奧運開幕日,, 當然要約人版五環美女大少奶出黎(同佢) 慶祝一番!! 哈哈~ 

其實係我自己一直都好想再去Harlan's食lunch, 之前就約左家姐同烏G係08年8月8日呢個盛大日子嘆個豪Lunch,, 迎奧運麻, 當然要食好D, 善待自己!

環境唔洗再post大家都知,, 熟客仔麻!  但估唔到咁多人, 呢到地方都唔細, 全滿, 勁~

未去之前同家姐已經講定今次一定要食多d Parma Ham, 至少三碟, 唔好蝕!

雖然係Semi-buffet 選擇唔多, 但係每款食物質素都好好, 我勁鐘意食佢地既哈蜜瓜, 勁清甜... 配Ham食真係一流!

佢地既燒魚同鵝肝醬都好好味呢!!!!!  雖然目標係三碟, 但食左兩碟都已經要停啦, 唔係實食唔落Main Course

我同烏G都揀左燒雞, 今日既燒雞配蕃茄飯好得啊, 好味過上次食既義粉,, 最重要係隻雞唔鞋而且仲好夠熱添~ 正正

家姐既烤魚

最令人期待既dessert, 見到人地食既時候都知一定好好味... 果然不負眾望! 超讚~

無論個raspberry sorbet, 定係蛋白條, 仲有個蘋果酥全部都係一流之作啊!

 

例牌餐飲 : 熱咖啡 & 凍檸茶

夜晚睇奧運開幕場面真係好震憾啊!!! 雖然係電視到睇, 但一樣感受到氣氛係有幾咁澎拜,, 中國今次真係爭返一面光彩, 呢個開幕儀式真係無得彈....

黎繄睇奧運賽事, 我相信一定會更令人興奮同緊張, Are u ready?

求主保守一切順順利利, 唔好有人係到攪屎攪掍啦~

中國隊, 加油!