農曆七月十四@Cova

記得初初開blog時會好好奇周圍睇人地既blog, 睇下食譜, 睇下風景相, 睇下有乜好笑! 

直到有一日偶然發現日本主婦既blog - 冇牙婆之單TOOTH走天涯, 睇佢寫野既文筆同內容, 真係笑到我死... 係沈悶既生活中搵到d 驚喜... 最攪笑主婦既文筆超低b, 可以話係有少少低俗(希望你唔好介意), 但我卻睇得好enjoy,, 有如搵到同道中人啊, 自此之後, 我就愛上佢個blog啦!!!!

今次佢返HK, 以為無緣見面, 但緣份呢D真係擋都擋唔到, 咁啱我又仲未走,, 一定要約出黎聚下啦..

地點 : 尖沙咀Cova

呢間Cova 平日都有Tea Buffet提供, $168 + 10% (包果汁&咖啡或茶各一杯)

呢到地方夠大, 足夠空間放到好多甜品啊!  我趁未有人開始出去攞時就走出去係咁影影影...

果仁撻,, 個樣好靚,, 但我無試到, 因為我估好頂胃!

鮮果撻, 好靚啊!

忌廉泡夫..

各式小蛋糕

呢個燕麥蛋糕我地個個都話正!

提拉米蘇

 

咸點都唔錯, 但款式唔多

由三點係咁食食食, 食到六點呢...

粟子蛋糕同忌廉泡夫都好好味呢!  但件特濃古古力蛋糕就太太太甜啦!

最後一杯好香濃既咖啡, 我覺得有少少苦, 但我鐘意呢~

呢樽係YY Cake親手做既藍梅果醬,, 多謝你啊! 每次見你都有禮物收,, 哈哈!

今次除左見到日本主婦外, 仲識左兩位新朋友(Gipsy & Stanley), 雖然大家未見過面, 連BLOG都無睇過, 但佢地好nice, 好好傾呢, 仲分享左好多好特別, 好攪笑既事件,, 好開心識到你地啊!!!!

主婦, 睇一眼見你, 你好似好正常, 但我知你內藏個股傻氣應該一D都唔簡單..哈哈哈!! 好開心有機會見到你, 其實你一d都唔肥, 而仲對腳仲好靚添啊! 另外多謝你份禮物... 我好鐘意, 可以放入飾櫃啊!