Daddy一直話我無煮過飯俾佢食, 經常懷疑我既廚藝功架..
老實講, 我煮飯唔係真係十分之叻, 但一般家常便飯都還可以
加上大少平時唔知真定假既誇獎, 我覺得自己都可以撚幾味小菜招呼下客人
依家終於有自己屋企, 當然要露一兩手塞住老豆把口, 等佢唔好成日話我!
第一餐, 佢完全無出聲, 無話好食/唔好食, 而我都唔敢問....
第二次煮, 見佢食得好急, 問佢係咪好味呢??? 佢就話: 無乜特別姐, 呢D咁簡單既餸, 係人都識煮啦! 我食得快只係因為我肚餓~
佢狠狠將我既自信心打沈左...........
第三次, 佢晏晝已經問我夜晚有冇飯食? 我話有, 炒烏冬! 佢再問我屋企有冇蕃茄, 有冇芝士等..我話無, 佢就話: 乜都無! 你點炒?! (我心諗, 你理鬼我, 好味咪得囉!)
不嬲炒粉麵飯都係我撚手菜,, 大少平時食到不知幾咁開心... 今日竟然俾我老豆嫌三嫌四, 真係火到黎埋!
最後, 老豆返到屋企時.. 佢竟然係吉之島買左一盒飯&一盒菜返黎食! 佢寧願食吉之島現成飯都唔肯食我D烏冬~~ 嗚!!
太傷我心啦! 我唔理佢, 照炒烏冬, 自己食, 哼!
老豆買既彊炒飯 & 芥蘭
我既辣醬西芹帶子雞柳炒烏冬 (仲有雞蛋!)
雖然賣相唔靚, 但我覺得好好味啊! 哼~
老豆又不甘示弱, 走去蒸粉絲扇貝...
我地兩父女, 一時糖痴豆, 一時水溝油..
各有各煮.... 話之你!
最後老豆都有食到我煮既烏冬, 我仲見佢食完又再去添多碗架!
Daddy, 我仲未摸熟屋企既架部, 工具用料乜都未齊, 將就下啦! 唔好次次都有彈無讚得唔得?!
111111111111111111111111
回覆刪除[版主回覆08/07/2008 02:19:00](Empty)
你真係好攪笑呀!!!!!!有個細路吉蒂碟食烏冬!!好可愛呀~~你老豆既扇貝又好得咁喎!!下次你整好似杜拜既三餸一湯，你daddy一定食你果d~
回覆刪除[版主回覆08/07/2008 02:19:00]我都話我同吉蒂係老死啦! heeee
我好懶, (對住老豆)無咁好心機又煲湯, 又煮兩餸.. heee (正衰女包)
你daddy係咪大男人唔好意思讚你咋? 有時d亞爸會做d好奇怪嘅behaviour有時真係唔知佢哋諗乜?! 不果你哋咁耐無一齊住,又啱啱搬新屋,大家都需要識應識應嘅,你唔好唔開心啦!
回覆刪除不過話時話用芝士同蕃茄炒烏冬真係末試過喎!
[版主回覆08/07/2008 02:18:00]我老豆係架, 從來都唔讚我!
我記得以前食過佢煮既烏冬有加芝士, 味道就好似白汁烏冬咁, 幾好食架!
又要自己買, 又要食你個d, 其實佢想食你個 d 多 d, 可能佢想激勵下你, 等你煮多 d 過佢食.......你用個 kitty 盤好 cute, 成份兒童餐咁......
回覆刪除[版主回覆08/07/2008 02:17:00]我都唔知佢想點, 可能佢唔想hurt我, 所以勉強食我煮個D!
個kitty盤我掙扎左好耐買唔買好, 但實在太可愛,, 照買! hee
嘩~~~有人煮埋佢食都厭三厭四...真係身在福中不知福呢...
回覆刪除[版主回覆08/07/2008 02:16:00]咪係!
你daddy係唔係玩你呀 ?
回覆刪除[版主回覆08/07/2008 02:16:00]佢唔似囉...
個烏東好似好正咁WO~~~~~~~
回覆刪除[版主回覆08/07/2008 02:16:00]識貨啊! heeee
I think daddy is only teasing you ja!!! Go and cook him a BIG SURPRISE lah!!! I am sure he will be tinkled pink and looks forward to it!
回覆刪除[版主回覆08/07/2008 02:16:00]我已經怕怕... 我連焗爐都唔敢買住, 費事又俾佢串我!
你搵日煮餐勁的俾你DADDY 食, 海鮮餐佢應該鍾意,
回覆刪除佢實會好開心 .................
[版主回覆08/07/2008 02:15:00]佢鐘意食個D好鬼麻煩架, 唔係家常便飯, 係出街食個D小菜, 我可能真係功夫未到家!
其實佢都係口不對心gee... 唔好食又點會去潻食呀!!!
回覆刪除佢都係激下你jee... 下次整d 佢最愛家野比佢食.. 等佢無聲出啦~
[版主回覆08/07/2008 02:14:00]我有D怕怕, 真係唔想再煮, 廢事又俾佢話!
其實係好好味的,不過妳DADDY放係心入面而冇講出黎的
回覆刪除妳DADDY係心入面係好開心的,有個識煮咁多野的女兒
[版主回覆08/07/2008 02:14:00]佢可能覺得我平時post上網個D, 都係得個樣, 哈!
你同你daddy相處真係好得意呀!! 我諗佢都係鍾意食你煮既野既，唔係點會食完又問，食完又添呢!
回覆刪除[版主回覆08/07/2008 02:13:00]問佢, 佢實話, 我肚餓啫 , 唔係你煮得好食!
唔好激氣...啲大人(尤其係中國人)都唔慣讚自己仔女㗎....我阿媽成日彈我, 當佢唱歌啦
回覆刪除[版主回覆08/07/2008 02:13:00]我阿爸就係呢類人!
哈哈, 真係俾你老豆激死啊.
回覆刪除又會咁玩野架?
自己走去買番來食. 但你又照炒, 照影相, 我真係好欣賞你地o既相處方式. 又愛又要互踩.
似乎世伯o既蒸扇貝都幾得啊. 我好like 食呢d架呢.
我記得你d炒粉麵在杜拜都常出現, 應該幾有水準喎. 所以阿世伯都忍唔住要整番碗啦!
有麝自然香. 阿妹妹, 一於繼續煮唧. 到你唔煮佢又話你唧. 哈哈哈.
[版主回覆08/07/2008 02:13:00]佢買返黎後叫我一齊食, 我當然唔制啦, 我都預備好晒, 我死都要照炒! 哼~
我老豆話我, 你都未食過咩叫好味..
俾佢激到我死
點解用套咁小朋友嘅餐具嘅... diana bb!
回覆刪除[版主回覆08/07/2008 02:12:00]hee...我見佢好得意咪買囉!
為左煮野食鬥氣，真係好搞笑！
回覆刪除不過看出你地兩父女既感情真係好好！
[版主回覆08/07/2008 02:11:00]唉, 我地兩個成日都係咁!
又真係幾hurt wor, 情願買現成 ....
回覆刪除不過你要加油, 整好d! 塞住佢把口! 等佢掛住你既住家菜!
[版主回覆08/07/2008 02:11:00]咪係.. 我見到佢買返黎時, 我幾"馨"!
我唔想煮俾食啦.. 我剩係想煮返俾大少食~
你好幸福ga la !! 有大少咁識讚賞你!!! 我好無奈,自問自己整的野唔難食!但亮完全唔會讚賞我!我都好冇隠.......... 無奈...
回覆刪除[版主回覆08/07/2008 02:10:00]你煮野真係唔難食, 只係阿亮要求高啫... 唔好唔開心!
咦, 你果份係兒童餐喎
回覆刪除好可愛呀~
[版主回覆08/07/2008 02:10:00]hee...如果我仲係兒童就好啦!
其實佢可能覺得好好食, 不過專登唔講激妳啫,
回覆刪除D爸爸就係咁, 又有可能佢返到入房響到開心到偷笑呢!
Diana~妳要對自己有信心先得, 我對妳就好有信心啦~
[版主回覆08/07/2008 02:07:00]好難啦,, 佢成日都彈我架!
你daddy 口硬啫.. 乖女煮野俾佢食, 都不知幾高興!!
回覆刪除[版主回覆08/07/2008 02:06:00]希望佢真係高興啦!
個 kitty 餐具好得意呀！
回覆刪除如果我自己住可能都會買黎用
[版主回覆08/07/2008 02:06:00]哈,, 我就係好鐘意, 就算低B左D我都買!
瀏覽人次是不是可以買賣或交換的呢?! 有空請去看看: http://hk.myblog.yahoo.com/leo_new36/ http://LeoMusicHK.spaces.live.com/
回覆刪除我諗你爹地其實食得不知幾開心，不過唔肯講出口咋!
回覆刪除[版主回覆08/07/2008 02:06:00]希望係啦!
一時糖痴豆, 一時水溝油 呢咪係屋企人囉 噤先有情趣家嘛 蒸粉絲扇貝好正啊
回覆刪除[版主回覆08/07/2008 02:06:00]唉, 咁又係,, 屋企人就係無隔夜仇!
係咁架啦, 我老豆都係咁...百踩...hahaha
回覆刪除[版主回覆08/07/2008 02:05:00]都唔知點解佢地會咁?
你Daddy呢....遲吓就會叫你日日煮飯俾佢食ga la !!
回覆刪除[版主回覆08/07/2008 02:05:00]下, 唔好掛.. 佢好難服侍啊!
邊有阿爸會咁好笑, 自己買定野返屋企食嫁?
回覆刪除咁樣好唔比面姐!!
你唔好衰比佢睇tim啊! 要令佢食到一餐...你會哼得好大聲既!!
[版主回覆08/09/2008 01:27:00]佢成日都係咁...唉!
蒸粉絲扇貝好味呀~~
回覆刪除[版主回覆08/09/2008 01:27:00]OK啦, 有一隻壞左...嗅架!
Oh.. 食左果 pack 扇貝喇 … 你同你老豆好攪笑呀 , 不過呢 d 係情趣黎 o 既 ~ 你上次炒 o 既蒜蓉菜苗都好 good 呀 ~ 我遲 d 都唸住試吓炒比水人食 , 因為佢都好鐘意食果隻菜 , 不過 ……………… 我連炒菜都唔識 , 到時你要話 d step 過我知呀 ~
回覆刪除[版主回覆08/09/2008 01:27:00]炒豆苗超簡易,, 你一定得.. 到時問我啦!
Diana, 好耐無上黎探你了~~~
回覆刪除你同你老豆好似好朋友多過似父女, 好sweet呢其實~~~
其實我老媽子都係咁架, 明明我就係整得好食但佢次次都話ok啦..可以接受果啲....乜乜物物咁...hahahaha...
這是情趣啊~~~~
[版主回覆08/09/2008 01:26:00]你去完玩未啊?
睇到你同你老 豆的生活真係好開心 哈哈 ~ 雖然佢彈你的廚藝 不過睇完你呢篇感覺好sweet
回覆刪除[版主回覆08/09/2008 01:26:00]thank you ar!!!
我有時俾佢激到好勞氣架!
睇到你同你DADDY真係好搞笑, 居然各有各煮, 但你地碟烏冬或蒸帶子都好似好正喎!!!
回覆刪除不過你DADDY居然係 JUSCO 買現成飯餸返黎, 又真係好傷你心既!!
你用HELLO KITTY 碟黎裝鳥冬, 但個賣相好似兒童餐呀!!!
[版主回覆08/09/2008 01:26:00]佢好衰, 成日都係咁hurt我!
大比拼 , 你地 超搞笑 !
回覆刪除[版主回覆08/09/2008 01:25:00]heee
中ｔａｇ
回覆刪除[版主回覆08/09/2008 01:24:00]咩tag啊?
蒸粉絲扇貝 添食即係好味啦. 我老豆又係好少讚人架, 佢唔彈已經係好的feedback!
回覆刪除[版主回覆08/09/2008 01:24:00]原來好多人既老豆都係咁!
減肥必讀心得 -3
回覆刪除不吃早餐反而脂肪增加
以攝取熱量相同為例，一天進食兩餐的人會比一天三餐的人容易肥，因為進食時間隔太長，身體就會發出饑餓訊息，當再度進食時，食物很容易轉化為脂肪儲存，所以無論如何早餐一定要食，建議一日三餐將份量略為減少，維持每日令身體勿超過卡路里吸收標準量。
你真的下定決心要讓自己(健康地)減重嗎?
請 填 下 這 一 份 問 卷
>>>> 問卷 <<<<
我們將有專人為你設計一個適合你的減重計畫。
HELLO!TOYS&LADY
回覆刪除*~＊*~＊*~＊*~＊*~＊*~＊*~＊*~＊*~
人氣精品
人氣襯物
人氣用品
請看本blog
*~＊*~＊*~＊*~＊*~＊*~＊*~＊*~＊*~
哈...我daddy都覺得我整d蛋糕唔好食...
回覆刪除又話搞呢搞樣不如出去買算啦
不過佢都會幫手食我d試驗品
[版主回覆08/09/2008 01:22:00]我老豆都係咁架, 我話要買焗爐, 話整麵包佢食, 佢話落街買幾蚊個咪有囉!
哈..你同你daddy都好搞笑呢..真係各有各食呀...但好彩最後你daddy都有食你煮既野呢..我諗佢一定好開心呀..有阿囡煮埋飯俾佢食..重要食左兩碗就知道味道唔錯呢..
回覆刪除[版主回覆08/09/2008 01:21:00]我唔知佢會唔會開心, 因為佢成日話, 呢D野係人都識煮啦!
老豆通常係咁,一邊話唔好食,一邊就食晒....哈....
回覆刪除[版主回覆08/09/2008 01:21:00]佢又唔係真係食晒,, 一邊食仲要一邊話我D雞切得太大舊, 好鞋喎!
一路睇以為妳老豆只係唔好意思讚妳, (香港男人好少主動讚人, 唔似鬼佬咁識氹人) 直至睇到佢自己買野番黎食.....就少少懷疑佢真係唔太喜歡妳既手細。妳地兩老女既相處好得意
回覆刪除[版主回覆08/09/2008 01:20:00]佢.. 真係俾佢激死!
Hi, 你好！
回覆刪除其實越親的人越難講真心話架！我諗世伯係個心入面係好開心同讚你叻女既！
[版主回覆08/09/2008 01:20:00]咁又係.. 我都知忠言迹耳,, 但有時候都想佢會讚下我..
反而我覺得蕃茄呀芝士呀呢d對炒烏冬都無幫助啊.....你要同佢講豉油炒烏冬先好味啊....hhahahaha...
回覆刪除其實你daddy 口硬心軟啊.....
[版主回覆08/09/2008 01:19:00]其實食過DADDY用芝士炒烏冬都幾好味架....不過蕃茄就好似唔係好夾..
係咪個個男人都係咁? 口硬心軟..
好羨慕你和爸爸既關係可以咁close, 簡直好似老友記或情人咁.
回覆刪除雖然我爸爸都是一個好爸爸, 但講親密程度, 媽媽會好好多. 爸爸都曾有怨言我錫媽咪多啲, 乜都只係講比媽咪知. 其實我心裡都是好錫爸爸的, 但表面上真係做不到好似你同爸爸咁close囉.
多謝你的提示
回覆刪除