Atlantis Hotel

以下三段片都唔洗花太耐時間睇, 我覺得都幾值得一看!

呢段係講呢間Atlantis由無到有點起出黎, 水族館既誔生......我好鐘意睇呢d, 好似睇Discovery Channel 咁!!

呢個應該係佢官方做出既宣傳短片, 大家留意下有一間房係可以望住個水族館訓覺架,, 好痴線!!!! (訓訓下, 起身如果有條鯨鯊啱啱游過都咪話唔嚇死!)

呢段係路人甲影既片段, 幾得意!!! 唔知呢個清潔阿哥/姐月薪有幾多錢??!

之前咁啱大少有朋友途經杜拜轉機,  我地就帶左佢去Atlantis行一轉, 個日無去到水上樂園, 無係個到食飯, 只係行左個圈同入水族館(入場費AED100)睇下"咦"就走啦... 下次有機會都想去個水上樂園玩啊!

由於有太多相,, Post唔晒, 有興趣就請移玉步去相薄睇啦!

 

 

呢條"咦"要講一講, 佢個攪笑架, 好似紙咁薄, 但個頭又起晒角, 側睇好似一把菜刀, 好攪笑!!!!

呢條龍X 好合作, 係人行過想影相佢都會定定任你影, 其餘個幾條就游黎游去話之你!

其實佢可能係訓緊覺!  但望住佢個樣, 我覺得有D似"許紹雄" (新扎師妹個方中SIR啊!!), 哈哈~

上網check過標準房一晚大約三千幾蚊港紙, 比起帆船成萬蚊一晚確係平好多, 如果過黎杜拜玩, 可以考慮下住呢間酒店! 其實杜拜仲有好多靚酒店, 帆船只係出名, 要講靚講值得去既酒店, 大把呢!