Grand Opening of Atlantis

上星期四, 十一月二十日係杜拜大喜之日

相信好多人都有睇報紙或睇新聞報導關於杜拜人工島上既一間酒店, 名叫Atlantis 於上星期四舉行Grand Opening

呢個Grand Opening其實唔單止係為呢個酒店而攪, 直程係為成個人工島(Palm Jumeirah) 而攪咁濟!!!!!

Palm Jumeirah係杜拜第一個大型既人工島, 呢個島非常巴閉, 唔係就咁填一個島咁簡單, 而係填到有紋有路架! (依家仲有兩個大型人工島填緊, 痴線架!!)

大家話佢係咪有紋有路!!!!!

而Atlantis 就係位於Palm Island 上既一間超級大型主題酒店, 主題係海洋為主....詳情遲D先講!!

我求其係網上搵到張相俾大家睇住先, 個時仲起緊!!! 

據報紙報導:

位 於 杜 拜 人 工 島 棕 櫚 島 的 阿 特 蘭 蒂 斯 酒 店 ， 前 天 舉 行 盛 大 開 幕 派 對 ， 全 晚 的 焦 點 是 璀 璨 奪 目 的 煙 花 大

演 ， 規 模 比 京 奧 開 幕 禮 大 七 倍 ， 煙 花 不 但 照 耀 整 個 夜 空 ， 連 遠 在 太 空 也 欣 賞 到 。

初時睇完呢個報導心諗,, 有冇咁誇張啊!!!!! 太空都睇到, 係唔係啊??  北京奧運既煙花已經係超級大, 超級靚, 佢仲要大過北奧七倍????  都唔知真定假!  車~

就係咁, 我同大少就上網搵片睇...最後經過多番篩選後, 以下呢兩個video算係最完整同最靚!!!

雖然睇呢個段片都幾花時間, 但話晒連太空都睇到... 耗資過億元既煙花真係使無前例, 點都要睇下啦!! 

Part 1 - 唔太特別, 無時間可以唔睇! 

Part 2 - 太精彩, 一定要睇! (記得開Speaker)

睇完就知咩叫豪, 咩係有錢國家!!!! 雖然係好靚好壯觀, 但我一邊睇一邊覺得好唔環保, 好浪費啊!!!

聽日再介紹酒店入面既細軟...