一直以黎我都好少做生日蛋糕, 或者一整個普通既圓型蛋糕...
原因係我實在唔識得點去裝飾一個蛋糕???!!!
做一個蛋糕唔難, 但要做一個見得人, 出得大場面既蛋糕, 對我黎講真係好難!!!!
成日見到Vanlily做出一個又一個靚仔又好味既蛋糕, 真係好佩服佢既功架~
如果將來返香港有時間, 我都真係要出去報名上下堂先得!
上星期四大少一位同事生日, 當日佢邀請我地一齊去食飯(原來中國人既習慣係壽星仔請人食飯, 同我地好唔同!!), 身為甜品供應商既我, 當然唔會兩手吉吉咁去參與
經過下午兩小時不停咁睇書再研究, 最後膽粗粗就做左以下所謂既"生日蛋糕", 真係失禮晒!!
第一次學人用朱古力漿黎抆面, 自知一定無可能抆得平滑, 故索性扮特別, 將個面特登'抄起'
個蛋糕係用咖啡味海綿蛋糕, 另外用粟子蓉做夾心, 最後用比利時70%朱古力做面漿!! 哈, 聽落好似好大陣象, 但其實都係一個好普通既夾心蛋糕...
最後經各位同事不同意見, 有d話個朱古力漿太苦, 太濃, 蓋過d粟子蓉; 有d就話dark choco 苦得好好味, 好味過係到出去買既蛋糕; 而大少就話朱古力唔啱佢口味, 所以覺得OK啦!!!
而我自己食完, 覺得比想像中好, 哈!! 可能每個配搭都係我鐘意既味, 所以覺得好好味, 不過如果再有機會做粟子蛋糕, 應該唔會再用咁濃既朱古力漿, 因為實在會搶晒粟子既味道!
其實好多謝大少班手足咁俾面, 又肯做我既白老鼠, 又肯俾中肯既意見, 等我可以不斷改善, 勇於嘗試,, 多謝你地~
不錯喎, 有原始美呀,
回覆刪除[版主回覆11/10/2008 14:28:00]多謝你咁客氣啊!!!
都唔錯丫，應該會好好味...
回覆刪除[版主回覆11/10/2008 14:28:00]我覺得好味, 因為我勁鐘意食粟子!
我都plan緊想整個粟子蛋糕呀 我覺得整蛋糕唔算難 裝飾蛋糕難 但都唔夠搵人做白老鼠難啊 咖啡味海綿蛋糕+粟子蓉做夾心 好good既配搭0者
回覆刪除[版主回覆11/10/2008 14:29:00]哈, 做完攞返公司就一定有人肯食架啦, 放心啦!
做生日蛋糕比人真係好大壓力架, 又驚自己做得唔好味同唔夠靚 所以我通常都係失驚無神整返公司請同事食, 咁樣佢地無期望就會覺得個蛋糕好OK~
回覆刪除[版主回覆11/10/2008 14:30:00]以前我都會整下蛋糕返公司, 但多數係學完第二日攞返去, 所以一定靚仔同好味,, 哈哈!
你有心機整比佢做生日蛋糕都好好家啦
回覆刪除個時我又係膽粗粗噤整.... 不過個蛋糕黑面我強行用d cream去同佢化妝....扮無事...
之後食個時就出事啦...不過其實最重要都係個份心意~
[版主回覆11/10/2008 15:09:00]哈,, 呢d強行既事, 我諗好多人都試過!!!! heeee
heheh.. seems very yummy leh.. heheh 大少 must be very proud of u.. and feel very sweet too..
回覆刪除[版主回覆11/10/2008 15:10:00]你太客氣啦!!!
(Empty)
回覆刪除個look都ok丫~ 都唔係太差0者~
回覆刪除[版主回覆11/10/2008 15:11:00]呃得下人,,hee
回覆刪除妹妹
你已經好叻架喇！
報名學蛋糕？你唔記得我地有個德成訓練出黎既近身.........小冬啊
你快d返我地一齊上去學
同埋我地個high tea架都未玩啊
愛你家姐上
[版主回覆11/10/2008 15:13:00]家姐,
其實我都想話跟小冬學, 但始終唔好意思開口呢, 所以咪話出去學囉, haaaaaaaa
有你帶我去學, 我就放心啦...
係喎, 個hightea架係咪等埋我返黎先用啊??
愛你2, 妹上
hehe~ 好有創意阿~
回覆刪除2樣都係我至愛阿~ 古古力+栗子~
[版主回覆11/10/2008 15:21:00]我都好鐘意粟子
天氣涼咗哪...係時候轉季扮靚哪......
回覆刪除得閒入嚟睇下野丫
如有打擾 , 請見諒
我覺得聽落好好味呀，因為我咖啡，栗子同朱古力都鍾意食。
回覆刪除[版主回覆11/10/2008 15:21:00]me too!
嘩...個配搭好得意，又栗子蓉又70%朱古力，兩樣都好好味
回覆刪除[版主回覆11/10/2008 15:22:00]係啊,, 如果換轉甜既朱古力, 我又唔鐘意lu
70% cocoa, 好似真係苦左少少呢
回覆刪除我覺得55%最好味
[版主回覆11/10/2008 15:23:00]啊... 我只愛dark choco, milk choco同white都唔鐘意!
唔止聽落...睇落都覺得好好味呢...正呀..古古力岩我呀...
回覆刪除[版主回覆11/10/2008 15:23:00]thank you!
明日是老公生日, 故今晚會整NEW YORK CHEESE 給他, 坦白說, 我都好耐未整過蛋糕的, 但我會努力1
回覆刪除[版主回覆11/10/2008 15:23:00]NY Cheese最受大家歡迎亦易做, 你老公一定鐘意!
見到都好想食.....而家成日做甜品,少見蛋糕呢.....
回覆刪除[版主回覆11/10/2008 15:24:00]蛋糕真係唔係我強項呢!
dark chocolate好食喎....大少唔食俾我!
回覆刪除[版主回覆11/10/2008 15:24:00]佢都唔識貨!
你呢個蛋糕好得呀!!你好攪笑,索性炒起個面漿,又係幾好辦法喎!!同埋我覺得你炒得好靚呢~~苦朱古力鍾意既人就超愛,唔鍾意既就會覺得苦,所以係好睇個人架!!而我就超愛黑朱既~~
回覆刪除[版主回覆11/10/2008 15:24:00]抺得唔好, 為有炒起佢,, haaaa
我都係只愛黑朱啊!
當日佢邀請我地一齊去食飯( 原來中國人既習慣係壽星仔請人食飯, 同我地好唔同 !!),
回覆刪除乜妳地唔係中國人??? 妳個大少其實係西人?? (無乜見到大少真身, 唔知佢唔係中國人添)
[版主回覆11/10/2008 15:28:00]我意思係大陸同胞既習慣係壽星仔請食飯, 而香港人就慣係生日時人地請食飯, 你明嗎????
其實你返黎都唔駛點學整蛋糕啦!!
回覆刪除你整蛋糕都好出色啦,
今次個朱古力蛋糕做得好好呀,
尤其將朱古力醬炒起個效果仲好特別, 但出黎既賣都幾好喎!!
[版主回覆11/10/2008 21:20:00]你太客氣啦!!!
其實蛋糕有好多學問架, 我真係只懂皮毛,,, 如果有機會, 真係好想鑽研學多d!
你同大少奶咁叻都要去學，咁我點算．．．．． 我連蛋糕都唔識整，唔好話裝飾喇！
回覆刪除[版主回覆11/10/2008 21:18:00]你又要湊暑暑, 又要煮飯, 已經無得頂啦!
好靚呀個cake!!!!!! 但好似好難整咁呀....朱古力,粟子同咖啡真係好夢幻既組合呀~! 我都想整呀...但好難買倒粟子呀...而且又要脫殼, 煮及整成粟蓉.....巧似巧多功夫呀...
回覆刪除[版主回覆11/10/2008 21:18:00]多謝你! 其實我係用罐裝粟蓉, 唔係我自己煮架!! 方便好多, 不過我都係係hk抬一罐大大罐過黎, 用完就無lu!
我同你相反我唔鍾意dark choco!
回覆刪除I love milk choco
[版主回覆11/12/2008 05:49:00]oh, 我以為鐘意食古古力既人一定會鐘意dark choco添!
你真係好c客氣! 讚到人開心到咩咁!
回覆刪除[版主回覆11/12/2008 05:49:00]啊,,, 湊小朋友真係好捆身架,, 我以前有表弟表妹同住, 知道係咩一回事呢!!!!!
所以做父母一d都唔簡單!
我家的小瓜一定爱C这蛋糕，我都中意chestnut啊，不过怕肥咋！
回覆刪除[版主回覆11/12/2008 05:48:00]粟子太美味啦, 肥都要食啊!! 有時我做蛋糕, 會就咁撩d粟子蓉食,, haaa
我愛黑力，不過唔係個個接受到，就好似榴槤同臭豆腐一樣，鍾意食就話好味，唔鍾意食就會臭．
回覆刪除我覺得妳個蛋糕做得唔錯啊，用朱古力漿刎蛋糕，刎得好自然，仲要識執生，叻叻！
[版主回覆11/12/2008 05:48:00]無錯,, 我依家先知原來唔係個個愛dark choco, 我仲以為愛食古古力既人一定會鐘意添!
多謝你既讚賞啊,, 呵!!
整得唔錯 wo.....不過呢個味既蛋糕係咪會好甜既呢?
回覆刪除[版主回覆11/12/2008 05:47:00]我覺得唔會好甜, 因為咖啡蛋糕本身味道唔重, 粟子蓉ok喎, 剛好! 而dark choco一d都唔會過甜呢!
個蛋糕整得好靚ar~~ 我都一定唔可以抆得好平滑o者~ 等我又學下你咁先~~
回覆刪除其實每個人總會有唔同既口味,要迎合到每一個當然唔容易喇!你做左出黎自己食都覺得好已經好成功喇!
回覆刪除