今日呢餐晚餐可以話係有血有汗.... 哈!
話說夜晚諗住煮麻婆豆腐, 點知等到豬mince解凍後先突然想食粥.. (當時己經係晚上七點半)
係個腦都未轉得切食粥有咩餸可以配既時候, 我已經開始洗米煲粥, 你睇我轉軚轉得幾快!!! 
大少媽咪講過落d冰糖落去一齊煲, D粥會綿d喎...
就咁睇,,, 佢係一碗好普通既粥!!! 但實情係..... 我唔甘心解凍左既豬mince無用, 所以諗左一陣, 不如做肉丸粥啊笨!!!!!
一心諗住家姐大少奶曾經試過手打牛丸, 心想做法應該都差不多, 可以參考! 點知搵返佢篇牛丸... 竟然係.... 無... 食... 譜!!!
噢.. 但當時唔拖唔水, 我唯有硬住頭皮繼續做落去...
過程唔複雜, 但好嘥力... 最後將撻肉丸呢個重擔交左俾大少處理
哈... 肉丸本身醃左先, 然後不停係咁撻至起膠搓成丸狀, 待粥差不多OK下放入滾熟即可!! (但因為我都係亂做, 所以唔會詳細post食譜, 費事教錯你地啊~)
真係無諗過係中東地區, 竟然食到一碗美味既"肉丸粥", 勁啊!!!! (煲粥仲有加左蛋花)
太耐無食粥, 連同係台灣買既麵筋都冷卻左好耐, 今日攪掂埋佢!
啊........ 呢一刻我先醒起,, 忘記食我至愛既腐乳啊!!!!
111111111111111嘩!!呢幾日我成日拎到你既第一喎!!因為呢個時間香港人未起身!!呵呵~~
回覆刪除[版主回覆11/04/2008 13:24:00]你個邊係咪晚上七點幾?
係好叻架者!!!!話轉就轉!!有時清清地食下粥都好正啊!!特別在杜拜呢~~
回覆刪除[版主回覆11/04/2008 13:23:00]就係突然想食清d...但又唔知配咩餸好..所以求其發明呢個所謂既肉丸粥,, 哈!
D粥好似潮州粥呀
回覆刪除係咪黎架
[版主回覆11/04/2008 13:22:00]應該唔係....heee 其實我唔識煲潮洲粥, 我諗只係因為未煲到收晒水就食, 你望落似潮洲粥
真係好突然,由麻婆豆腐轉左肉丸粥,好野
回覆刪除肉丸粥煮得好靚,好想食啦!
[版主回覆11/04/2008 13:21:00]其實煮得唔算好, 因為始終時間有限, 如果可以再煲耐d, 收返多少少水, 仲正呢!!
勁啊晚餐大變身
回覆刪除[版主回覆11/04/2008 13:19:00]過獎過獎...
突然轉呔, 都整到咁多食物出黎, 真係越見進步呀!!
回覆刪除你整既肉丸粥, 好似好好味呀!!!
原來想粥底綿D係要落冰糖架, 但個粥會唔會有少少甜味架!!!
[版主回覆11/04/2008 13:18:00]其實我都唔知要落幾多份量冰糖, 我只係落左一小粒, 所以唔會有甜味
轉得好快ar!!~
回覆刪除[版主回覆11/04/2008 13:06:00]我呢d seafood痕, 成日無野搵野黎攪, 哈!!
粒肉丸影得好吸引啊......
回覆刪除[版主回覆11/04/2008 13:05:00]但我可能食左太多粒, 夜晚濟住個肚呢
嘩..厲害呀..話轉就轉..碗粥好好味咁.呢...
回覆刪除[版主回覆11/04/2008 13:03:00]所以轉得好狠狽呢!
如果想d粥綿d....好似唔知落油 or 鹽 or 皮旦, 其中唔記得邊樣?!
回覆刪除[版主回覆11/04/2008 13:03:00]我唔知喎, 我剩係聽佢阿媽話落冰糖咋!
我記得好似係加d油喎!!!!
回覆刪除yammy!!
[版主回覆11/04/2008 13:38:00]係啊, 下次試下先!
妹妹
回覆刪除你好叻啊
當自己整過肉丸後，就會愛上自己所整既肉丸
雖然我未得閒再整牛丸
但我一直對自己整既丸念念不忘呢
愛你家姐上
[版主回覆11/04/2008 16:09:00]家姐,
其實我仍然想問你點整, 因為我個肉丸唔夠彈牙啊!
愛你既妹上
我唸你出post的時候係我下午3-4點!!我呢度慢香港16小時~~
回覆刪除[版主回覆11/04/2008 16:08:00]哦.. 咁唔怪之得你可以成日做第一lu...
靚: 你好叻嫁, 冇食譜都整到呢 ~
回覆刪除不過你一POST台灣麵根就令我想起粥配台灣豬肉鬆, YUMMY ~
[版主回覆11/04/2008 16:08:00]索g,
你好叻, 我地尋晚都有配台灣肉鬆啊!
加冰糖啊?! 原來係要加冰糖!
回覆刪除轉軚轉得咁快, 你好叻架你
[版主回覆11/04/2008 16:07:00]但有人話加少少油都ok喎!
好彩我'扇'軚咋,, 哈哈!
其實想D粥綿D,,可以加少少油一齊煲ga!!!!
回覆刪除[版主回覆11/04/2008 16:07:00]下次試下先! thank you
唔該, 加多隻鹹蛋添.
回覆刪除[版主回覆11/05/2008 02:20:00]哈,,, 鹹蛋餸粥又係一流!
我未試過用冰糖煲粥, 下次試下先.
回覆刪除你下次可以先用鹽同油醃醃啲米. 明火煲佢, 煲到啲米開哂花, 再煲多陣... 跟住冚蓋熄火, 焗焗佢(幾分鐘都得架啦), 咁就得架啦.
** 我平時煲粥打開蓋煲的, 因為用明火冚蓋煲, 會瀉哂出黎
[版主回覆11/05/2008 02:18:00]其實我都試過好多用油煲, 又試過加鹽煲..但無試過一齊煲..haaaaaaaa
等我下次試下你呢個方法先! 煲粥係好煩, 成日一唔小心就會瀉..
你好叻呀～～自己整肉丸
回覆刪除[版主回覆11/05/2008 02:16:00]其實都係亂咁整, 應該可以再好味d!!
吓，係中東竟然會有豬肉賣？係超市？ 我上次去新彊，我老公去餐廳話要”雞”，我老公Ｄ難鬼普通話搞到個老闆聽錯左”豬”，面色一沉，厲聲話冇豬，我地急忙澄清，唔係就可能俾佢掃出門。
回覆刪除[版主回覆11/05/2008 02:16:00]有架... 係某d有牌既超市有豬肉賣架!
新彊都唔俾食豬架? 我唔知喎...噢, 真係要小心溝通, 有誤會就麻煩..
腐乳正呀，一定要辣的。
回覆刪除that looks YUMMY! I didn't know we have to "tat" meatball to make it as a ball! hahahaha! I sometimes have the same thing, tell Brian I'm gonna cook one thing and end up we eat something else! hahaha, he learnt to not take me seriously!
回覆刪除我平時醃15-30分鐘 (我母親大人醃過夜添). 唔使用好多油, 夠撈得勻就可以架啦. 反而鹽我會用多少少, 因為我鍾意咸啲.
回覆刪除你用個飯煲有冇煲粥功能? 如果有, 煲出來都好綿架.
個麵筋好似個腦！ 唔好意思，好無聊添！
回覆刪除哈...你練習多d日日都有肉丸食呀!!!
回覆刪除看來大少都幾好力喎!!!
腐乳 + 肉丸粥!
回覆刪除