Oh my GOD!!!!!!!!!!!!!
我.... 痴左線啊!!!!!!!!!!!!
唔知做乜突然鬼上身走左去做"燒賣"
無錯, 係酒樓到食個D"燒賣", 唔係就咁買現成黎蒸, 係連皮連饀全部自己一手一腳做出黎既"燒賣"啊!!! 係咪好癲?? 哈, 我覺得自己好痴線...
噢,,, 大家俾我係到好唔知醜咁自豪一下,, 哈哈哈!!!!
從來發夢都無諗過要做既野, 竟然係毫無準備下就咁誔生
感謝主賜既能力, 感謝大少頂力支持!! 哈, 原來我都有中式點心可以面世~
如大少所講, 外貌的確唔討好, 但味道又真係幾燒賣feel!!
而且今次用料有豬mince外, 仲有蝦粒, 冬菇粒, 剁到起膠, 食落好彈牙... 大少話, 就算唔做燒賣, 就咁蒸個肉饀做餸食都好好味!!
我今次係跟係台灣買既一本書做, 書內全部都教麵團食品, e.g. 麵類, 中式飽, 糕點等...
我諗佢所教既燒賣係台式, 同廣東燒賣做法未必一樣,, 但係依到食到新鮮, 有豬肉, 彈牙, 個皮唔厚唔乾既燒賣, 我真係好開心呢!!!!! (而且有好大既滿足感~)
老實講, 我知今次做得唔好, 因為外貌實在太核突,, 個皮好難控制, 包饀有待改善啊!!! 希望下次會掌握得好d, 可以出得大場面招呼朋友啦...
請大家唔好問我點做, 要我post 食譜!! 因為我覺得如果出街有得食, 真係唔好咁傻自己包餐懵,,, 好多功夫, 好費時啊~
咦...會唔會整返Ｄ叉燒包個Ｄ呀 ?
回覆刪除[版主回覆11/24/2008 12:57:00]嘩, 我無諗過其他野喎,, 叉燒包要首先燒叉燒先, 好煩覆呢!!
不過有機會都會試,, 哈!
有埋蒸籠咁得呀？
回覆刪除[版主回覆11/24/2008 12:57:00]係呢到日本城買架!!!
即係如果整到d無肥豬肉的燒賣....我又唔驚痴線呀...
回覆刪除[版主回覆11/24/2008 12:58:00]如果你過黎中東呢到D中菜餐館, 你就可以品嚐到無肥豬肉既燒賣, 佢地只會用雞肉咋!
你無事呀嘛 ?? 做乜咁傻自己整燒賣呀 ??? 哈哈 ~~ 其實呢 ~~ 我覺得你好勁囉 , 燒賣呢 d 唔係屋企廚房整 o 既野你都整埋 ~ 下次你可以 o 係屋企整粥檔腸粉 好似果 d 阿叔咁切到 o 拍 o 拍聲 ~
回覆刪除你無事呀嘛 ?? 做乜咁傻自己整燒賣呀 ??? 哈哈 ~~ 其實呢 ~~ 我覺得你好勁囉 , 燒賣呢 d 唔係屋企廚房整 o 既野你都整埋 ~ 下次你可以 o 係屋企整粥檔腸粉 好似果 d 阿叔咁切到 o 拍 o 拍聲 ~
回覆刪除[版主回覆11/24/2008 13:00:00]其實呢, 我尋日係廚房做緊麵包, 等緊發酵期間"紙筆痕"睇到個食譜, 咪突然走去試囉, 咁好彩又算成功左少少, 哈!
我唔要扮阿叔啊!
既然都整咗"燒賣"洛, 咁當然唔可以少咗佢既好拍擋"蝦餃"啦, 幾時安非他排佢出場啊........?
回覆刪除[版主回覆11/24/2008 13:01:00]其實我原本係做蝦餃的...
但個皮我搓唔掂啊,, 佢既澄粉同我買個隻可能有唔同, 所以做唔到呢!
自家製燒賣...勁呀..不如你繼續傻落去..整埋蝦餃同牛肉呀..
回覆刪除[版主回覆11/24/2008 13:01:00]嘩, 真係好嘥功夫啊!!!!
我諗呢股傻勁可能要等多一年半載先會再有,, 哈哈
皮唔薄...但個饀ok wor~
回覆刪除用埋蒸籠蒸...掂哂
[版主回覆11/24/2008 13:03:00]初初蒸頭幾粒個皮仲厚, 後尾掌握到少少, 就正常返D
我試過係到食過一D好似紙皮咁厚既燒賣, 仲要個皮好乾好硬, 雖然我呢個唔算好好, 但都好過出面街食個D
妹妹
回覆刪除哈哈！你好勁啊！燒賣我諗都無諗過架
不如咁，你返黎時你整燒賣、我整粉果、腸粉
然後叫佢地上黎飲茶，呀GG賣點心或做點心呀姐
我地茶錢$50，大點$45、頂點$60
但全部點心最平大點
咁我兩姊妹咪可以一嘗開酒樓滋味
今次實發達既家姐上
[版主回覆11/24/2008 13:05:00]發錢寒既家姐
你好聰明豆啊! 但係佢地會唔會彩我地啊? 價錢咁相宜, 佢地肯俾???
如果係真, 我唔整啦, 去七仔買叮叮點心俾佢地, 我地都仲有錢賺啊!!!!!
愛你既妹上
妳好勁,燒賣都整到,仲要有埋蒸籠,真係好佩服,繼續努力
回覆刪除妳下次會整咩酒樓食品呀??
[版主回覆11/24/2008 13:06:00]其實呢籠燒賣真係唔可以話成功!!!! 不過身在異鄉, 有少少家鄉風味已經好令人回味... HAAA
我無諗過下次做咩呀, 因為實在好花功夫!!
雖然我咩都唔識整，但可以預我一份嗎？
回覆刪除[版主回覆11/24/2008 14:34:00]我都唔識架, 今次都係猛車邊做到咋!
我之前整過蝦餃, 個皮真係好難整, d 澄麵好難攪呀...! >.<" .... 見你咁叻整到燒賣, 好想讚下你呢...! 同埋我都想挑戰下呀...!
回覆刪除[版主回覆11/24/2008 14:35:00]我尋日睇書話D澄麵要用台灣個隻, 我用個隻係中國, 所以做唔到個皮, 好散, 完全包唔到,最後放棄改做燒賣囉!
多謝你既讚賞啊!! (其實有D唔好意思.. 做得咁樣衰仲要沾沾自喜,,HEEEE)
嘩.....你既回覆真係快到呢.......!! 傻架! hahaha~
回覆刪除其實個樣整得衰唔緊要wor... 下次整返靚佢就ok! 最緊要你整得出個味道嘛! 味道錯晒, 個樣有幾靚都無用喇, right? 相信你下次會做得更好呀!
btw, 其實我都買左兩個蒸籠, 不過仲未開光呢...! 比你攪到我好想整點心...! 好衰架...
[版主回覆11/24/2008 15:07:00]哈, 你咪一樣覆得咁快... heee
個味道係有架, 聞落真係好燒賣既香味... 但個皮真係有待改善!! heeeee
你想整咩點心啊? 我下次想整馬拉糕!!
你而家進軍埋點心界，第一次雖然唔夠好，但做多幾次實得嫁！
回覆刪除加油！
[版主回覆11/24/2008 15:08:00]但係我既下一次唔知會係幾時lu..heeeeee (我實在好懶!!)
哈哈, 咁啱, 馬拉糕最近我整左呀...! 係跟為食貓個網整既...! 我d朋友話都ok wor...!
回覆刪除我嚟緊想整咩點心??? ... 其實都係燒賣, haha! 我主要都係想用左個蒸籠之嘛! 不過有一樣野我好想整, 就係之前蘇玉華嚮蔡瀾個節目整果個"蟹蒸蒜茸糯米飯" , 想用蟹蒸糯米飯好耐架喇 (幾有先見之明, wakakaka) , 不過見蘇玉華加埋蒜茸, 應該好味好多...!!!
[版主回覆11/24/2008 18:07:00]你係咪係hk住架? 如果係, 你真係好有心機,, 如果換係我, 我返到香港就無咁好心機整, 會選擇出去食,, haa 我實在太懶!!!!!
我都想整糯米飯, 但我係想整生炒糯米飯, 之前唔記得係邊到睇過, 好似唔係太難... 係咪你個blog啊??
嘩, 你而家連燒賣都整到出黎, 真係好犀利呀!!
回覆刪除咁你下一步會唔會整叉燒包或其他中式點心呢???
[版主回覆11/24/2008 18:05:00]考慮中..HEE
唔多說了 就比 啦
回覆刪除[版主回覆11/24/2008 18:05:00]客氣客氣!!!
DIY帶來的滿足感係會令人不斷向難度挑戰, 我明！
回覆刪除個樣都ok丫, 恭喜晒！
[版主回覆11/24/2008 18:05:00]但我試左一次就唔想再整,,HAAAAA
實在好麻煩!!!
痴線架真係, 個皮都自己整到...IMPOSSIBLE呀, 我估你係得閒到咩都想自家製, 本書仲有咩教架, 有冇雞包仔, 蝦餃, 腸粉教呀?
回覆刪除最緊要好味嘛, 個餡其實你可以讓喺個包入面, 咁咪又有新野食囉
[版主回覆11/24/2008 18:04:00]咦!!! GOOD IDEA喎!!!
但係呢個係大火蒸就易熟, 但如果放入包裡再焗, 會唔會唔夠熟? 太猛火又怕個包會硬........ 一係就煮熟左D料先. 但可能會好難包???
真係要諗諗, 研究研究!! 多謝你個骨IDEA!
係喎...妳個到無叉燒個喎
回覆刪除[版主回覆11/25/2008 06:16:00]係啊, 好慘架, 好多野都無豬肉食, 要去酒店食先有咋!
wah..你好勁ar!!~連點心你都識整, 好叻ar你!!~
回覆刪除[版主回覆11/25/2008 06:16:00]其實我整得好核突, 都唔可以話係成功...失禮晒!
haha...我上星期一真係整左生炒糯米飯wor...! 不過我好懶, 無寫recipe, 所以無理由你睇得出唔難炒架wor, 哈哈! 你快d炒喇, 天氣凍凍地食就最啱喇...! 你傻架嘛, 煲埋蛇羹呀笨, 絕配呀...wakakak~ 其實我炒糯米飯果日都想煲, 不過買唔到蛇肉, 所以整左碗仔翅... (扮下蛇羹都開心, 哈哈)
回覆刪除我係住香港架, 屋企個廚房仲要係super細 (一個爐頭, wok 都無) , 所以我d朋友都覺得我好神奇, 點解可以整到咁多野食! 或者, 呢d就係既我為食, 同埋人地既讚賞, 先推動到我天天新款...!
[版主回覆11/25/2008 06:17:00]你連WOK都無, 真係好難煮野喎...
好強啊!
正呀 , 真材實料, 又熱lat lat, 大少真係幸福啊~!!
回覆刪除[版主回覆11/25/2008 06:18:00]真材實料, 同埋新鮮出爐, 呢兩樣野已經補返晒所有不足,, HEEE
點心都識整好叻呀！
回覆刪除[版主回覆11/25/2008 06:18:00]其實都唔算係識, 整得好核突啊!
你越黎越勁啊
回覆刪除[版主回覆11/25/2008 06:18:00]太客氣啦!
哈哈~你好叻呀，會唔會考慮整粉果??
回覆刪除[版主回覆11/25/2008 06:19:00]粉果又無諗過, 因為我本身唔係太鐘意食!
叻女靚
回覆刪除＞＞因為我覺得如果出街有得食, 真係唔好咁傻自己包餐懵,,, 好多功夫, 好費時啊~ 我同意你的講法。好似我做餃子咁，皮又要自己做，又要包，真係現成方便可以買到食到，都真係唔好自己做。
回覆刪除[版主回覆11/25/2008 06:20:00]無錯無錯, 包餃子對我黎講又係"痴線"既行為啊!
唔錯呀........學埋點整魚肉燒買, 可以開檔......
回覆刪除自己整可以好足料嘛~~~
回覆刪除哈...你可以拿出賣呀!!!
回覆刪除外國個d都係咁架樣咋......