難得俾我搵到滿意既麵粉, 我又點會咁易停手呢?!
係個吐司未食完既第二日, 我又急不及待做第二款包包
今次搵左個Basic中種發酵甜麵團, 再加新買既合核, 實行做係Panash賣十四蚊一個既合桃包!!
今次呢個合桃包份量十足, 每個都有手掌咁大, 直程當lunch食都得啊!!!!!!
平時我好鐘意去日式麵包店買合桃包, 因為我至愛合桃... 可惜出面賣既合桃包一般都唔平, 而且仲要少合桃!!! 依家自家製, 我加入大量合桃去滿足自己既私慾, 超讚~
絲絲絲絲絲!!!!!! 
有個疑問想請教各位~
經常聽人講, 食唔晒既包包可以放係雪櫃, 要食既時候再烘熱就會好似新鮮麵包咁!
但係,, 我想問係咪新鮮出爐既麵包, 放涼後都要立即放入雪櫃?? 定係只適用於隔左幾日既麵包先需要放入雪櫃??
因為我平時待出爐麵包放涼後, 就會放入密實盒無雪到, 第二日食時用微波爐叮20秒都好軟熟; 但問題有時做得太多包, 兩日內食唔晒, 我就諗緊係咪應該要放入雪櫃呢???
嘩~~~咁早嘅妳....早晨呀 ! 太多麵包俾Ｄ我食喇
回覆刪除[版主回覆11/12/2008 05:50:00]我要準備去訓啦!! 哈哈~
你自己隨便"lai"個mon啦, heee
嘩！賣相好掂啊！
回覆刪除除非有肉類或忌廉, 如果唔係我都唔會將包包放雪櫃架, 但盡量在2,3天內吃完。
[版主回覆11/12/2008 13:02:00]我都覺得兩三日食得晒其實唔雪都ok!!
但今次就係整多左, 今日第四日都未食晒,, 都唔知掉好唔掉好!
呢個包包真係好掂啊!!!!!!!直頭係出面十幾蚊一個既貨色啦!!!你呢度咁多隻，大大話話都成百蚊啦!!!!我通常方包先放雪櫃，呢d包會盡快食晒佢~
回覆刪除[版主回覆11/12/2008 13:01:00]哈... 但我今次太貪心, 整得太大隻, 朝早一隻一人一半都食左四日,, 仲有兩隻剩, 今日都要掉啦!!
下次我都唔好整咁多!
見到果包包起絲....一定好鬆軟
回覆刪除嘻...我成日都同自己講..包包出爐一刻最好食..
放得耐就唔好味喇...所以幾多都食晒佢
[版主回覆11/12/2008 13:00:00]出爐包包絶對係最好食....但我整咁多, 好難一次食晒呢!
真係好掂!!
回覆刪除勁想食番個,再拿幾個返屋企慢慢嘆
[版主回覆11/12/2008 12:59:00]哈,, 我今次整多左, 都剩左兩個, 己經四日啦, 今日要掉啦!
唔駛咁快就放雪櫃住, 放一日先埋囉...
回覆刪除同埋你放微波爐用"解凍"叮廿秒, 好食過就咁叮廿秒 !
[版主回覆11/12/2008 12:59:00]咦, 係咩... 下次試下用解凍叮先!
焗得好靚呀...
回覆刪除[版主回覆11/12/2008 12:59:00]係啊, 今次色水我都幾鐘意啊!
嘩..最尾果張相真係好吸引呢..好軟熟...好好味咁呀
回覆刪除[版主回覆11/12/2008 12:58:00]我一見到起絲我就好興奮呢!
hehe~你次次都整咁多包包...日日食..會好肥0都0都架XD
回覆刪除[版主回覆11/12/2008 12:58:00]我地都習慣左每朝都係食包包做早餐, 所以會肥都無計,,哈哈!
嘩.....好似整到街賣個D 咁呀, 好靚呀 !
回覆刪除[版主回覆11/12/2008 12:57:00]多謝你既讚賞啊!
一睇個包就知道好味... 我都好想學整麵包呀, 因為我都好鍾意食...!
回覆刪除[版主回覆11/12/2008 21:43:00]你試下整囉, 一試便愛上!
大師傅喔~ 可以整咁多包包出黎
回覆刪除[版主回覆11/12/2008 21:43:00]噢, 太過獎啦!!!!! 呢d係好簡單既包包黎咋!
我見藍大門的女工, 都係放d包入雪櫃啊! 仲係放冰格!
回覆刪除我試過將條法包放入普通格, 一個星期拎出來, 灑水再焗, 一樣咁好味
[版主回覆11/12/2008 21:42:00]一星期都得>?????????
咁堅?!!!!!!
good!
回覆刪除[版主回覆11/12/2008 21:42:00]thanks!
你D合桃包焗得好靚呀, 個賣相好似D老牌餅店整果D麵包呀!!
回覆刪除但哩D有料既麵包, 係未唔好擺咁耐架!!!
[版主回覆11/12/2008 21:42:00]我地前後都食左四日啦! 所以今日要掉啦... 仲有兩個剩
妹妹
回覆刪除唔係一出爐放雪櫃，係放涼後先放入冰格
然後食既時候將雙手沾水，輕輕拍個麵包，令麵包表面有水氣、再焗熱佢
你要放麵包的話，最好每個獨立去包起，每一個麵包都用錫紙獨立包放雪櫃
因為你如果全部都咁放入冰格，拎出黎時會全部黏埋一堆呢
愛你家姐上
[版主回覆11/12/2008 21:42:00]家姐
但新鮮出爐既包, 放涼都照放入冰格啊? 我以為係已經放左幾日既包先要咁做...
你好叻架你!
愛你既妹上~
你係咪用你新買那部機攪麵團架?你而家做包包好好啊!!!
回覆刪除[版主回覆11/12/2008 21:41:00]係啊...用個部機慳好多力水, 一日可以做兩款作品
見到你由岩岩學整麵包到而家整得咁專業真係替你高興呢~~ 睇到我都口水流呀~~~
回覆刪除o係外國地方, 好多鬼佬都鐘意將d麵包放入冰箱ga, 因為可以保存耐d~~ 我以前都唔知ga,過左去外國讀書先知~~我記得有次見到我媽咪將d方包放入冰箱仲覺得好驚訝添~~
[版主回覆11/12/2008 21:40:00]多謝你既讚賞啊!!!!!!
我好耐之前都聽人咁教, 但就未試過.. 但雪左入冰格, 第二日想食咪要等佢回溫再叮?!
嘩~~咁多包包, 比我做早午晚餐就好喇~ 我就唔使曰日走去美心買袋包~
回覆刪除[版主回覆11/12/2008 21:39:00]如果我係hk, 俾幾個你仲得, 我今日仲有兩個剩, 要掉啦!
我地呢邊好興咁架...出爐放涼(蛋糕或包包, 曲奇都得架)後馬上入 冰格 , 食前 幾個鐘 先攞出黎, 再入焗爐輕輕番熱, 效果就好似剛出爐咁, 好神奇架~!!!
回覆刪除[版主回覆11/12/2008 21:39:00]但入左冰格, 我第二朝一早做早餐咪好麻煩!!!!!!!
定係唔一定放入冰格, 就咁放入雪櫃得唔得?
我就會咁樣...
回覆刪除先分一批係明早食既
如含肉類就放雪櫃, 第2朝先叮叮~
不含肉類, 直頭不入雪櫃
...............................................
另一批就係會等2日或以上先再攞黎食既
入雪格, 因為要襯佢新鮮時入雪格先有攞出黎番熱好新鮮好好味既效果啊
我諗作用係好似"延緩"包包既"衰老"咁囉
放入雪櫃冇呢個效果啊, 又或者d包包攤咗2日先入雪格都冇效果啊
[版主回覆11/12/2008 22:24:00]哦....係喎!!!! 可以分兩批喎
你好醒啊!!!!!!!!
我啱啱又做左一批新包, 即雪先!!! 唔該晒~
不如你係個度開間麵包鋪, 橫掂你日日都整架!!!!!!!!!!!!
回覆刪除仲整得咁靚 ............... 一盤又係咁整, 十盤又係 ...............
開左記得叫我買 ...........
[版主回覆11/13/2008 02:13:00]我整一盤都攰到我屎, 整十盤我驚我會討厭左麵包呢樣東西,, 哈哈!
妹妹
回覆刪除其實放冰格，再翻熱唔麻煩架
你要放冰格目的係冰鮮，如果放普通格只會被雪櫃抽乾水份，同埋都會變壞
你諗下一隻雞亦放下格，放一星期會變壞，但放冰格冰鮮就放好耐
原理都係差唔多
愛你家姐上
[版主回覆11/13/2008 02:22:00]家姐,
原來如此, 我原全明白了! yeah~
但點解菜唔可以放係冰格, 有時個雪櫃凍得濟, d菜冰左會梅啊!
愛你2, 妹上
that looks very professional! maybe you can write a book about bread!!! Do you use a bread machine or just bake it urself?
回覆刪除[版主回覆11/13/2008 13:51:00]啊.... 你太過獎啦!!! 我成日都失敗架, 點可能寫書教人呢?????
我自己焗架! 人地話麵包機焗既麵包唔係咁好食!
以前O係SYDNEY, D 方包只有FAMILY SIZE 賣, 我一個人真係食2 WEEKS 先食得完~ 我都係放O係冰格, 要食先叮返~ 不過...我覺得無咁好食~~
回覆刪除[版主回覆11/13/2008 13:52:00]但下面好多人提供資料係焗返熱食, 唔係叮返熱,, 會唔會因為咁有分別呢?
新鮮出爐既麵包, 放涼後 放入雪格, that will stop the bread aging and stays 新鮮. The day before you intend to eat the bread, you can take it down to the refrigerator compartment and let it thaw naturally. Alternatively you can take it outside and leave to thaw at room temperature. Theoretically the thawed bread's freshness is at the stage at which you freeze it. SO, freeze it when u freshly made it and make sure it COOLS thoroughly first.
回覆刪除[版主回覆11/13/2008 14:28:00]多謝你咁詳細既解答啊!!!
原來係新鮮放涼後就要放入冰格, 大家都好勁, 唔講我真係唔識!
咁下次唔好整咁多或送俾其他人食囉，盡量唔好浪費食物
回覆刪除[版主回覆11/13/2008 16:17:00]我下次會做少d, 一係就再做多d.. 唔拖唔水, 送俾人又唔夠分, 自己食又食唔晒..真濕濟!
有人教過,焗時唔好焗熟,還有2成就出爐,放涼包好,放入冰格,食時放回室溫再焗返餘下的時間就好新鮮架啦!!!
回覆刪除[版主回覆11/17/2008 20:49:00]哦... 原來要預早攞出黎?! 下次試下先~
thank you!!!