三杯雞

近日睇報紙都會話香港天氣日漸下降, 好似話星期四/五會降至十八度??

希望今年既冬天真係會有寒意, 唔好十二月仲要著短袖衫!

原因除左因為我鐘意冬天多過夏天外, 主要係我真係唔想見到呢個世界既天氣越黎越反常, 咁即係代表呢個地球污染問題日益嚴重,, 真係唔想啊!!!!!

講返正題!!  除左香港有寒意, 中東呢到一樣開始踏入秋天, 無錯, 係秋天...(勁舒服既天氣!!)   因為呢到就算冬天都唔可以話係好凍好凍, 有二十度左右, 但一樣需要著外套, 夜晚都有涼意, 加上呢到d apartment係中央冷氣, 所以就算自己屋企唔開A/C, 唔多唔少都有冷氣吹入黎!

天氣凍, 最適合就係食辣野!!!! 我同大少本身都唔食得太辣, 微辣吊下味已經係極限, 前日跟書做左呢味"台式三杯雞", 熱辣辣既組合 (夠熱+辣辣地), 用黎餸飯食真係一流啊!!!!!!!

我本身鐘意食雞翼, 但呢到既雞翼全部都發育不良, 無乜肉食, 所以我轉用雞膇, 啖啖肉, 好過癮!!!

夏天既肥肉仲未減走, 冬天又黎, OMG!!!!  今年冬天最主要既節日都會係香港渡過,, 我真係無眼睇, 唔知自己今年冬天又會肥幾多磅??

三杯雞食譜:

材料:
鮮雞/雞翼/雞膇.....隨個人喜歡, 我用雞膇約十二隻
紅辣椒.... 1隻; 薑.... 切片; 蒜頭.... 3粒; 蔥... 2條; 紹酒.... 少許; 九層塔/羅勒適量

調味料:
麻油, 生抽, 老抽各適量;  水一碗; 糖&鹽少許

做法:
1) 將雞洗淨抺乾備用; 紅辣椒切粒; 蔥切段備用
2) 麻油放入獲中燒熱, 轉細火爆香薑片, 蒜頭, 紅辣椒&蔥段, 加入雞肉拌炒, 贊酒, 加入調味料, 加蓋煮8-10mins煮至收汁, 最後加上九層塔拌勻即可!

p.s. 一般台式三杯雞都係用砂窩上菜, 相信係因為想keep住好熱既溫度(但因為我個砂窩唔夠裝, 所以用玻璃兜); 另外我無九層塔, 所以用芫茜代替, 一樣好香, 適隨專便!!!