又一週

真係唔知係因為年紀越大, 所以覺得時間過得越快?! 抑或係真係快樂不知時日過?

自從過左黎杜拜呢邊生活, 時間過得快如火箭, 快到有時自己都唔信.... 下, 又星期五啦??

好似幾日前先post過大少為我做既悠閒早餐, 話咁快又一個禮拜!! 時間真係過得好快好快... 

今個星期五, 我地出左去拍拖食brunch, 但到第二日, 我都親自焗左一盤Scones做下午茶, 同大少一齊享用!!! 自家制既下午茶永遠都係食得最窩心同舒服...

今次跟呢個食譜係無雞蛋版(連蛋漿掃面都無), 焗出黎既效果較為實, 唔太酥軟... 即時食還不錯, 但今日再翻熱黎食就唔係太好味....

 

大少好似小朋友咁, 睇到我整既時候, 又嚷著要試玩, total做左四個造型, 好得意!

SCONE真係百吃不厭, 簡直係下午茶食品中既靈魂啊!!!!!