新年快樂...明年見!

話咁快08年又過去... 時間快得嚇人!!!  07年既12月31號我仍然清楚記得當時自己做緊乜, 轉眼又到09年..

細個時從來唔覺得時間過得快, 反而想自己快d大個快d大個...

但近呢幾年開始, 真係會驚嘆點解時間會過得咁鬼快?!

尤其自己係生於一月頭, 隨住新一年既來臨, 自己亦真真正正咁老一年 (我係特別羨慕十二月出生既人, 明明到左新既一年, 但仍然可以拖到最後先面對自己真係老了)

2008年我係過得開心的!

開心最大原因係終於可以脫離其他人, 擁有自己既家!   家真係好緊要, 係每個人既避風塘, 如果無一個溫暖舒適既家, 做人都幾慘... 雖然我係所謂既"祖屋"已經住左二十七年有多, 但對我黎講一d 都無唔捨得, 相反腦海中對以前既回憶反而變得好模糊, 可能真係太不堪回首.... anyway, 已經過去!

另一件開心既事係我的的確確覺得自己係某一方面既思想真係成熟左!  有一d好奇怪既思維慢慢地扭正返, 真係令我鬆一口氣...  除左身邊既人感到舒服左, 我自己係最受惠既一個, 感恩!

其餘開心既事係感謝主當我唔係香港既時候幫我看顧住父母, 令我唔洗擔心佢地,  十分十分感恩!!!!!!

尋日同daddy討論某小事, 佢話我對佢說話既態度好差... 講唔夠兩句就會大聲 + 不耐煩!!!  一直同daddy既關係都好似朋友咁, 有時說話可能真係過左火位自己唔知, sorry!  我會檢討下..

頭先聽返王菲既歌'紅豆', 有一句歌詞如下

有時候 有時候 我會相信一切有盡頭 相聚離開 都有時候 沒有什麼會永垂不巧 

其實每個人都會知道身邊既親人有一日一定會離開自己, 亦都不斷提醒自己要珍惜身邊人... 但每每去到某個位又會為左啖氣而將呢d 事忘記得一乾二淨!

身邊既家人, 愛人, 朋友等每日大家生活正常, 好似無乜特別!  但其實每個人都總有盡頭, 而且大家都唔會知道幾時係盡頭?!  當你知道身邊人既盡頭係某月某日, 你仲會唔會為左小事同佢地嗌交或者花時間嬲佢?

我就係一個咁無用既人..................   明明提住自己, 但卻做唔到!

09年唯一既希望就係想自己唔再係得把口, 而係身體力行地珍惜身邊人~

祝大家新年快樂, 身體健康!!!

多謝大家!!!!!

翻看過去呢個幾禮拜既相先發現原來我今年既十二月尾過得十分精彩!

由二十三號起就開始有飯局, 來來去去都係high tea, dinner 同 high tea....

原來身上既肥肉係來得有意思, 唔係不明不白的, 唉~

23號約Clara去JW hightea,, 雖然時間唔耐, 但質素仍然有保證, 最鐘意食佢d 沙律同個scone, 超正啊!

24號平安夜同屋企人去Outback享用晚餐, 雖然價錢唔平, 但個日超好彩... 係無訂位, 但餐廳fully book既情況下, 竟然等左十五分鐘就意外有位俾我地"涉"入,,, 實在太開心,, 感恩啊!!!!!   仲要daddy一改百'彈'大師既作風話佢地d野食幾好味喎, 幾貴都值!

25號聖誕節當日大食會之前介紹過.... 真係食左好多好多!!!!!

26號 ------ 是日打牌, 食糊食飽!! (返黎咁耐第一次贏錢..哈~)

27號 ------ daddy炒烏冬我食,, 正!

28號飽到反肚, 我們這一家既邊爐日, 聽日又要打啊!!!!!!

29號呢日約左Hellen同大洗慳妹去Harlan's hightea 啊!!! 好耐無去Harlan's , 去到感覺依然係好舒服, 食物質素更好呢!

三個人share high tea tower, hightea食物轉左新款, 全部都有驚喜, 好好味呢!!!!!!!

另外再order一份Pizza,, 超超超超正,, Harlan's Pizza係我依家至愛既Pizza.  實在太美味!!!!!!!

除左以上既聚餐, 之前都有一連串食食食既活動, 仲收到好多朋友既見面禮, 聖誕禮物& pre-生日禮物.... 真係好多謝你地啊!!!!!!!!

你地實在太錫我, 無以為報呢.. 希望遲d有左個焗爐後有機會親手做返d蛋糕回贈各位啊~ I LOVE YOU ALLLLLLL.....

雖然今年聖誕大少唔係身邊, 但有DADDY & 一班好好好好既朋友係到倍伴我, 令我覺得自己一樣過得好幸福啊, 多謝你地啊~

招呼唔到

第一次, 我新屋既新一次就奉獻左俾"我們這一家"上黎作客打便爐!

阿茄係JEAN PUAL CHOCO買既馬卡龍, 超正啊! 一分錢一分貨, 唔係太太太太甜, 多種口味選擇, 好好味!

第一次呼招佢地上黎打便爐, 當然一早要準備好食物啦!

上, 下 : 兩款唔同品種既肥牛, 好正!

小肥羊羊肉卷, 有吉之島真係好方便, 乜都有!

 

阿G 至愛既鮮腐竹& 豆腐, 反而無人吼既金菇菜

阿茄至愛新鮮花甲, 好正啊!

我至愛既生蠔... 好抵食!! 吉之島貨仔, 25蚊咋~

水餃&魚皮餃,, 太多太多食唔晒!

各式丸類, 應有盡有.....

未開始打便爐已經俾人清左一半既炸魚皮, 肥死人既山根... 正!

我明明食前同自己講左唔好食咁飽, 點知到最後都係飽到反肚,, why why why??????

屋企地方淺窄又無乜特別野俾大家玩, 唯有出我最耍家既技能 --- 油甲油!  幫各位擦靚靚甲油, 擦完我自己都好滿意, 希望你地都會鐘意啦!

聖誕happy day!

25號當日係呢年聖誕節最開心既一日!!!!!!

一早相約最熟既朋友一齊開party, 主要係大食會, 唱K加麻雀耍樂, 哈~

朋友特地為我地怖置屋企, 增添不少聖誕氣氛啊! (欣, 其實你怖置得好靚呢)

人數唔係太多, 而且女多男少, 所以都唔敢預備太多食物..

頂級牛柳係特地托人訂返黎, 超美味... 五成熟, 好正!!!! (睇返D相都流晒口水)

我負責操刀既焗豬扒飯!!!! 朋友既焗爐唔夠大, 所以將d料不斷向上堆高, 感覺好大好豐富啊!! 多謝大家俾面係咁讚好味,,, 感恩感恩~

個個都大讚既蜜椒雞翼, 正!  香港既雞翼真係好好肉地...

 

女人永遠都唔怕多食既"菜類", 第一碟係皇帝菜, 七蚊一大扎, 激抵食!!!!!!!! (太鐘意香港既街市)

食完飯, 大家不斷係咁影相, 超開心, 笑到肚痛....

我地幾個女人係到即場發揮自己既表演慾... 連拍喜, 怒, 哀, 樂相,  哈哈! (個個都話我好好戲,, 我其實應該去參加無線訓練班...嘥晒!)

最後我仲整左兩款甜品, 一款係吉士橽, 個個都好鐘意呢...

其實當日都係為另一位朋友預先慶生日,, 我為佢做既黑芝麻Mousse Cake

Jackie, Happy Birthday!!!!!!!!!!!!!!!!!

黎緊除夕又有一個party,, 期待中.....

聖誔快樂!

呢個雪人係去輝sir到學, 好攪笑, 我整得好醜樣! 原來朱古力係咁神奇, 可以做到好多效果出黎, 有機會真係要去報名再學多d..

今日係平安夜, 我應該會留守屋企無街去, 但聽日開始就節目豐富...直踩到年尾!

大少1月1號會返香港.... 超期待!!!!!!

祝各位聖誕快樂!

齊來Zambra

帶病+ m-ing既我雖然好攰, 但仍然不甘寂寞, 趁烏G仲放緊大假,  一早相約一定要齊齊去嘆個high tea, 遲d等阿茄返埋黎, 我地仲要拖喼去工展會掃貨呢!!!!

今日陽光好好, 但氣溫卻十分寒冷,, 死蠢既我又係唔適當既天氣著唔適當既衫...

臨出門口見氣溫唔係真係好低, 好怕又會焗到成身汗, 所以唔著咁多衫, 費事又熱病.  點知一出街就知死!!  等車期間不斷自責點解我咁屎蠢架... 明知凍都唔著羽絨,, 有冇攪錯, x$%@!.....

烏G帶左我去佢地之前勁讚既Zambra啊, 原來就係呢到,, 以前係灣仔返工都有留意過呢間cafe, 但一直無試過,, 原來走左寶都唔知呢! 

下午時段人流唔多, 地方寛敞, 有sofa位... 仲有二樓添, 夠晒隱蔽!!! (可惜今日二樓有成班"麻甩仔"(鬼老版)係二樓大聲講大聲笑, 所以我地揀返係留下坐)

去到呢d地方當然要嘆返杯即磨咖啡,, 好味!! 我飲左兩杯添啊...

而阿G就飲英國茶掛?! (其實我唔係太知佢飲乜?)

返左黎之後都好耐無食過早餐... 每次一起身都已經係午餐/茶餐時間,, 呢到有好多唔同既lunch set/tea set/salad/sandwich任君選擇, 價錢合理!

我order左碟mussel & tomato sauce spaghetti

阿G order既係Caesar Salad w/ bow ties

兩碟都唔錯呢!

呢到當然唔可以錯過Tan Tan極力推介既banoffee pie, 原來底層係濃濃既拖肥+香蕉, 仲有好香口既批底, 真係超好味啊!!!! (但亦係超肥囉~)

最後仲有一個scone, 但呢個就真係麻麻地...又或者可能我地都太飽太飽, 無興趣食佢啊!

阿GGGGGGG,, 盡在不言中!  (多得你個暖包, 我夜晚先捱到咁耐啊, I love u!!!)

強差人意

呢兩日無啦啦又熱返, 但之前病緊既我好怕自己又病發, 所以照樣著住件羽絨出街, 攪到我熱到標晒汗, 又熱又凍, 唔知想點, 最後又乃野.... 今次應該係焗傷風啊!?!  

今日又開始有鼻涕, 喉嚨又痕又乾... 好唔舒服!

前兩日就係著住件羽絨同朋友去尖沙咀食晚飯, 六點時坐地鐵, 間直係攞你命三千....  係金鐘轉車, 等左四班車先上到不特止, 仲要肩並肩, 腳貼腳, 差在未攬埋一齊!  真係超恐怖, 以後放工時間我死都唔會再坐地鐵過海~

當晚去尖咀新港中心食鼎太豐, 四個字 : 強差人意~

同台灣既鼎太豐完全係一天一地啊... 又貴又唔好食, 好過份!

冷盤:

連最出名既小籠包都係無驚喜,, 好一般!

又無炒A菜

台灣鼎太豐既牛肉麵係最令我懷念的, 但香港呢碗................ 

最不知所謂既糯米燒賣.. 淡而無味!

千層糕.. 不吃也罷!

其實我好少咁踩一間餐廳, 但呢間真係唔掂當(可能因為價錢一D都唔平), 或者如果我未試過台灣既鼎太豐, 我係會覺得香港呢間還過得去... 但依家, NOWAY!

臨近聖誕既尖沙咀係一個好恐怖既地方, 周圍都係人, 仲要係周圍都係停留影相既人.  當然, 影相無罪, 俾我都會... 但的確令人寸步難行, 就好似大塞車咁, 每次只可以行小步小步, 唔可能暢通無阻...

眼見一對對情侶係到影相, 男既幫女既影, 女既又會笑得好甜咁擺Pose,, 睇到我實在有點又妒忌又羨慕啊!!!!

難得衝鋒陷陣咁去到尖沙咀, 雖然無緣成為相機中既女主角, 但我仍然成功迫入人群中欣賞一下聖誕燈飾...  影一幅相作紀念! 哼~