Bad news & Good news

Hello各位... 我又浮返出黎啦~~

最近因為大少有朋友途經杜拜, 我地當然會盡地主之宜帶朋友周圍行下食下啦 (估下我地去邊到食??  其實黎黎去去又係個到!!)  所以都無時間上網...

今日大少放完假, 我已第一時間跟佢返工見見各位!!

尋日發生左件麻煩事.... 我部NOTEBOOK死左, 開唔到機... 依家搶救中...(大少出左去開會, 我先有電腦用咋!!)

麻煩事件二.... 今日去internet service到問... 依然係答我地 : 未知幾時裝好條電話線, 所以都係未申請到internet service ~ (shit!)

救命.. 搬左入去成個月,, 都係無電話線?!  點解咁既事都會發生架!!  離晒譜~~

不過, 我都有件開心事要公怖

我23號晚會坐零晨機返香港啦!!

今次有個同事咁啱返香港.. 我口多多同大少講,, 我又想返去探DADDY & 朋友... 跟住大少話 : 好呀!! 順便去埋旅行囉...

就咁, 我就好突然咁有得返香港啦 (大少就會後我一個禮拜返) ~~

今次返去.. 6 月11號會再走...

時間雖然短.. 但都好.. 起碼我地唔洗又受雙思之苦 (講到好似好誇張咁添..heeeeeee)... 同埋時間唔多, 我可以的起心肝做要做既事, 唔會再成日係到發呆!!

現急於想問下各方好友或路人甲... 有冇關於去北海島既好介紹呢? (e.g. 行程編排, 酒店, 食肆或必去觀光點...) 我地諗住六月頭去五至六日

一貫作風... 又好似著草咁... 我返去又要即刻去撲機位酒店... 但我手上無乜資料.. 好鬼煩!!

聽朋友經歷, 話係北海道租車自由行好簡單, 好方便.. 但又有朋友話係北海道唔洗自己揸車, 坐子彈火車都到好多觀光區... 我都聽到一舊雲??  一D又話咁好, 一D又話咁好??  有冇真係親身去過既朋友可以幫幫我呢??

唔該晒呢~~ ^O^

今日已經星期日, 仲有幾日就走,, 我希望呢幾日部電腦整得返我可以繼續上網啦~~

最近同大少拍的生活照....  HELLO~~