金麥泰泰國菜館@九龍城

今日要介紹一間超好味又抵食既泰國菜館 (越多人去食越抵食!)

地點位於九龍城南角道

金麥泰泰國菜館 , 全店均由泰國人in charge! 所以好正宗架!!

難得同一班好朋友(唔係剩係o係麻雀枱上)聚舊... 所以住係港道區既我地.. 都要遠赴去呢間菜館食飯!

呢間菜館我自己都去過好多次... 亦都介紹唔少朋友去食... 個個都話好味!!

我地怕無位, 所以早少少六點半到就去到.. 坐底唔夠三分鐘.. 已經全場爆滿 (好彩行快兩步咋!)

泰式生蝦 (佢地自稱日日馬來西亞空運到港!) 我唔理邊到運黎啦.. 好味就得啦~~ 正!

泰式雜錦拼盤 , 蝦餅好好味~~

呢隻菜係我朋友特別order... 佢話係地道泰式菜館先有得食... 好似叫做野菜??  唔sure...但食落又好好味喎!

主菜.... 咖喱炒蟹!!  超好味既蟹加上佢既汁(平時唔好蟹, 因為懶得剝殼既我, 都係咁食蟹!!)  我地仲order左2客蒜蓉包黎配d汁呀!! 真係好味到絶頂!

蒜蓉包... 即叫即焗, 好鬆脆!

牛肉串燒.... 好嫩口, 一D都唔'un'

好好味既豬頸肉... 又肥又爽口! 配埋個辣汁... 一流呢~~

泰式炒青口... 我鐘意食個d香葉.. 好正呀!!

泰式炒河 ... 不過不失啦!

以上咁多食物係一個套餐加散叫, 盛惠$630, 每位都係$105咋!!

我又要讚一次... 香港食野真係又抵又好味呀~~~

難得去左九龍城,, 緊係仲有下文啦.... 待續~~

P.S. 多謝我D朋友俾左丁屎咁多耐性我影完D相先開餐 (雖然佢地有少少鼓燥, 但我都會唔該佢地..haaaaa I LOVE all of YOU!!! )