House Warming Party

上星期四終於攪左個House Warming Party~~~

平時我Post我D作品出黎, 講到自己好似煮飯好叻咁.. 但其實我煮黎煮去都係二人份量, 都未正式見過大場面... 今次個Gathering都令我有少少壓力!

感謝主一直看守住我,, 賜我有能力可以好順利咁煮晒我精心炮製既餸菜, 而且好感恩係... 大家都食得好開心.. 無乜招呼唔妥善既情況出現 (佢地無投訴我就當無架啦~~ haaaa)

所有菜式都係我度過諗過, 精心挑選出黎架~~ (除左我既撚手炒飯&腐乳炒菜係普通左少少外,, 其餘都係我既第一次!!)

什錦天婦羅... 係香港買左一包天婦羅粉過去, 終於大派用場, 同各同事一齊分享! (結果炸出黎唔係太似天婦羅...) 有大蝦, 魷魚, 南瓜...好好味架!

牛油蒜片炒牛柳粒

醉雞 .... 第一次做醉雞... 浸左成晚...D醉味好勁!

呢個蛋糕... 為左呢個House Warming Party, 前兩日我不斷鑽研焗一個軟熟好味既海綿蛋糕, 感謝主... 到當日我成功左!!

炒香芝麻, 用搅伴機攪爛芝麻成粉... 就係呢個蛋糕既靈魂!!!  美味可口既芝麻Mousse cake

當天我將mousse cake放上冰格, 因為我想做雪糕蛋糕效果,, 出黎既味道又係超讚!!! 真係好似食緊芝麻雪糕架... 

希望我黎緊既廚藝&做蛋糕既功力會越黎越進步啦~~ 咁可以成日請朋友黎食飯啦!!