狗仔隊唔易做!

其實我除左有煮飯婆呢個職業外, 我仲係一名出色既狗仔隊成員!

我每日都會盡量預啱時間, 令大少一返到家就有熱辣辣既Lunch 享用...

以往, 我會上網MSN問大少幾點到屋企, 我就會預啱時間先起菜...

可惜現時除左無得上網外, 搬左新屋, 比以前遠左少少, 所以大少回家既時間也較遲...

上星期某一日, 餸菜已準備得八八九九, 我隨意地走到窗前望望, 睇下會唔會見到大少縱影!

結果, 真係俾我搵到佢 (好好笑, 係正我個單位對面!)

望多兩眼, 醒起不如偷拍佢....

我即刻拿起大少十八倍變焦既相機!!  就係咁, 我搖身一變成為狗仔隊.... 偷偷對佢拍照

見到佢係架車到好耐都唔上黎, 已經好想打俾佢問佢 : 你仲乜仲唔上黎, 嫌樓下唔夠晒呀?

但我怕佢其實傾緊電話, 所以我最後都無騷擾佢, 只係默默等佢上黎!

原來佢係到睇緊地圖,,, 大家feel唔feel到呢到有幾咁熱&晒~~~

十八倍變焦果然厲害,, 再遠D都影到

上黎啦, 上黎啦

原來當一個人moving緊係好難影,,, 做狗仔隊都不易呢!

遠望大少, 都覺得佢幾傻..(haaaaaaaaaaa)

開始捕捉唔到啦....

行得好快呀~~

知道大少殺緊返黎, 我即刻放低相機扮無事發生, 入返廚房攪埋D手尾~~

飯後.. 我同大少講... 

我 : 喂, 你睇下部相機D相, 我今日影左D好得意既野!!

大少 : 咩咁得意,, 你影間屋呀?

我 : 唔係呀, 你睇下先啦,,, 好攪笑架... 我見到有個傻佬係條街到好攪笑架!

大少 : 好認真咁開相機睇...(沉默數秒, 然後大笑...) 咦,, 咦,, 咦.... 乜你咁鬼馬!!! 點解你會影到我架?? 點解你又知我係到? 你又等到我返黎? 你又.... (一大堆問題)

我 : (好得戚地說) 你走唔出我五指山,, 唔好做衰野, 我成日都會'目及'實你~~