Blog友gathering @ 金滿庭

今日心情好到爆~~~

首先, 就係我聽日訓醒覺, 大少就返到香港啦.... 聽日終於見到佢啦!!!! (求主保守佢一路平安!)

另外, 我北海道之旅既野都攪得七七八八...黎緊希望一切順利 (感謝主!)

再黎, 平時用新世界電訊打長途去Dubai 要HK$2x/mins, 今日諗住打去CHECK到現時為止, 究竟打左幾錢? 一CHECK, HK$798!!!!  下, 我有冇聽錯呀?? 我諗住無四五千都走唔甩... 一問之下, 原來由五月十一日到六月二十二日, 打去杜拜做緊優惠, 只須HK$3.xx/mins, 所以.... 慳返好多好多呀~~ (再一次感謝主!!)

最後最後,, 緊係約左好耐既BLOG友聚會啦, 終於等到呢一日~~~ 有GG x 2 & Karen!!  今次約係銅鑼灣Time Square 食通天 ---- 金滿庭 (麻煩晒GG book定位... 仲要好細心咁BOOK左好多間俾我地揀!)

要講聲唔好意思先... 第一次約會... 我就遲到!!!

飛的其間行東廊... 見到個太陽開始落山... 天氣唔錯, 影幅相先!

我地order左.... 薰蛋 (好味喎!!  第一次食, 幾特別!!)

我去親必吃既 酸辣XX魚 (唔知個名... 但今次好似無咁好食,, 可能我地太多野講, 凍晒!)

排骨年糕... (又係凍晒... 我地實在太多野講,, 講唔停呀~~)

干扁四季豆 (好好味.. 佢地好好, 知我係杜拜無得食, 係咁叫我order我想食既野~~ heeee)

緊係唔少得小籠包啦! (好味好味~~~)

我地真係好勁!!! 我地由六點半坐低食飯.. 食到成十點幾十一點先肯走... 你話女人幾多野講!!!

真係傾得好開心~~ 雖然第一次見, 大家都有共同話題.. 最一致既, 當然係乜鬼都要影一餐啦!!

最後, 大家都好有心咁買左見面禮俾大家! one of GG雖然無買, 但就請我地食飯~~~  (真係好開心!! 我又食又拎呀!!)

one of GG : 好好呀... 買左一盒JENNY COOKIES俾我, 我留返返杜拜同大少慢慢嘆!!

Karen : 佢送左袋Teresa Festival既朱古力俾我... 我未食過呢間野既products..夜晚忍唔住開左黎試左幾粒, 真係好好味喎~~~

黎張合照啦!! 有兩位靚女唔方便出鏡... 大家照舊睇返我同Karen啦..haaaaa