母親.. 希望你日日都快樂~~

今日係母親節 (其實無乜特別, 因為對父母好係應該... 無節日介定!)

之前同大少PLAN過想一齊返台灣倍媽咪過母親節.. 可惜大少因公事繁忙, 最後都取消左!

加上媽媽最近與友人合資開辦一間茶館, 佢同我講,, 近呢兩三個月都會忙過不停....

佢都叫我暫時唔好返去住, 因為無時間倍我!

最後, 我只能付上少少心意奉上金錢叫佢買自己鐘意既野....

另外... 也偷偷安排住在台灣既嬸嬸幫我order一束鮮花到佢店內! 希望俾個驚喜佢啦~

DADDY知道後大叫 : 買花side 錢,,俾cash好過啦!! 你媽咪又唔係後生女,, 唔好送花啦!! (係咪男人多數係咁?) 

今朝,, 吃過早餐後, 大少好醒目地提我... 打電話俾你媽咪同佢講聲母親節快樂!!

接通後... 媽咪好開心咁話 : 小寶貝!! 多謝你~~

我問佢會唔會嬲我無返去倍佢 : 佢話無, 因為佢都好忙,, 遲D再返黎啦~~ 我收到你扎花!!  都話唔好送啦... 浪費金錢!! (當時我R緊頭,, 因為我DADDY話叫左阿嬸唔洗訂花! 咁呢扎花邊個送架??)

我好唔好意思咁問 :  誰送花給你??

媽 : 你呀... 嬸嬸話你送麻... 原本尋日送來, 可是昨天我不在, 嬸嬸問我在哪, 我就知道你安排她幫你訂花....

我 : 哦,,是哦... 那你喜歡嗎?

媽 : 喜歡!! 不過你又浪費錢了!!  但真係很漂亮 (語氣係超開心)

收線後, 我同大少講.... 原來嬸嬸無理DADDY照幫我訂花... 媽咪笑住話side錢, 但又好開心咁話好靚.... 我諗大部份女人都係咁,, 口講side錢, 但收到時個心又會好開心!!

大少話 ,, 好彩你嬸嬸有幫你訂咋,, 一扎花洗得幾多錢... 難得你媽咪開心就值啦!!

無錯... 我都覺得係!  錢係重要, 做人應該要節儉... 但係某D時候, 對某D人... 究竟錢重要定心意重要呢?

希望媽咪身體健康, 日日都開心! (求主保守...)

媽媽... I Love YOU!