住家卷物

上星期突然日風上身, 勁想食壽司... 

可惜係呢到稍為食得落口既日式餐廳都貴到飛起.... 試過四個人去食係香港食四百蚊都嫌貴既晚飯.. 呢到竟然要大約港紙千二千三蚊埋單 (只係食一碟普通又少既雜錦刺身, 一客定食 & 兩三樣唔飽肚既 side food)!

但又係個句,,, 當你身在異地, 好想食某種食物, 就算幾貴或者幾唔好食,, 你都會插盲自己對眼, 塞住自己對耳, 庵住自己既良心....  埋沒自己原有既判斷力去滿足個一刻既慾望!

不過有時候癲還癲... 都唔會真係癲到一百蚊當一蚊洗既~~

所以我買左一塊價值港紙十六蚊既壽司席 & 紙菜,, 誓要自己包壽司!!!

材料 : 任君選擇, 一般為日本黃瓜, 青瓜, 牛油果, 三文魚, 鰻魚, 蛋, 蟹子, 蟹柳等等等等等.....

但由於呢到材料&價錢問題... 我最貴都係買左一包日本黃瓜, 想買多條鰻魚都唔捨得.. 一塊真空日式燒鰻魚要港紙成七十幾蚊... 我心諗 : 算吧啦.. 都係過下口癮姐!  而三文魚我都係用煙三文魚代替~~

做法唔知人地係咪都係咁做,, 我包壽司既知識係小學時代去同學仔屋企, 人地媽咪教我做... 記係個腦到十幾廿年攞返出黎做... 唔太嚇人就算架啦

所以我都只係係咁二影低... 唔寫做法.. 費事誤人子弟! (我諗好多人都識.. 仲叻過我)

完成後, 用末端既飯痴實個紫菜卷實佢.. 咁就OK啦....

噔噔噔噔~~~ 味道算係咁啦,, 材料有限, 當然無香港個D咁好食啦!!

同場煮多個冷麵俾大少填肚... 

仲有即沖麵鼓湯呀~~ 為一碟唔完美既卷物增添美味!