終於返到香港啦~~

感謝主.... 終於平安到步啦!!

今次同同事M一齊返香港, 係杜拜機場臨同大少分開個一刻, 我攬到佢好實, 差D扮埋樹熊連對腳都想攬住佢 haaaaaaaaaaa....

同事M後期問我, 係咪好唔捨得大少?

我話 : 我父母生我呢個女真係生舊叉燒好過, 我同DADDY 媽咪分開, 都會有少少唔捨得, 但心諗,, 好快會見架啦~~  但同大少就算分開一日, 我都唔想... 仲會好掛好掛添!

跟住同事M笑笑口.... 都好正常姐, 我都係掛我老公多過掛我阿媽!

******************************************************************

又要多謝好友少杰黎機場接我仲倍我去食野&幫我手揀旅遊書添~ thanks!!

返到屋企, DADDY已經煲定湯係到等我,, 今晚又約晒屋企人食飯,, 好開心呀~~

另外最開心係, 我又可以好順暢咁上網啦!! (香港Netvigator真係無得頂, 上網速度真係快得好爽!!)

今日去左一間係筲簊灣既平價酒樓 (權發).... 大碟夾抵食!

由於太肚餓, 食到一半先記得影!

辣酒煮蜆

超大隻既蜆.... 好耐無見過啦!!

蟹肉大排翅

加左醋既顏色靚好多..heeeeeeeeee (味道一般!)

至愛咕嚕肉,, 呢D係杜拜邊到食到呀??

白灼蝦.... 好鮮呀! (大少見到實發狂!)

DADDY話今日係佛誕, 係咁易應下節食齋喎! 都好好味~~

另外仲有蒸魚雲同埋蒜蓉炒筧菜....

七個人食都係六百幾蚊,,, 好好味呀~~ 係香港食野真係又抵又好味!!