繼續介紹返九龍城美食....
食完一餐美味既晚飯, 當然唔少得要配合去食埋糖水先為之Very Good! 我地係九龍城附近一帶行左一陣, 原本想去口甜舌滑到食糖水...
途經發現一間叫做'金滿堂'(希望我無記錯名) 既甜品屋, 招牌個selling point寫住低糖, 少甜糖水..
就係咁吸引左我地呢班又怕肥, 又要食既路人甲乙丙埋去 等左五分鐘就有位, 佢地既甜品多到眼花撩亂,, 最攪笑係改到D名你睇落都唔知係乜?! 但睇D相個賣相又幾OK, 希望會好食啦!!
(健康真係好緊要, 依家個個都好著重!!)
相討一輪,, 叫左以下幾款甜品 (你知我地D女仔好三心兩意, 又想試呢樣, 又想食個食~~~ 
)香芒XX果西米露 (最普通!!)
例牌榴槤pancake (味道OK!)
向榴槤愛好者極力推介 - 榴槤飄香 (內有面個D蜻蛙卵.. 椰果.. 好似有D西米.. 伴住D榴槤打成既汁,, 最底下仲有啖啖榴槤肉呀~~ ) 勁正!! 我自己依家回想起都流口水!! 
個名叫金枝玉葉, 但即係楊枝金露 (原身都好味, 特別在加左D椰果, 龍眼肉等.... ) 正!
粉紅佳人 (即係士多啤梨加冰打成類似沙冰底, 但內有椰果, 士多啤梨味舉弱(唔識打!), 仲有一D唔知係乜但細細粒咬落好有口感既物體) 超好味!!
最後呢款好似叫做綠藻什果果凍 (聲稱得獎食品, 緊係要試啦... 初初諗住一般, 但食落又好清甜, 一D都唔漏... 有少少好似花香味... ) 都好味, 但我鐘意佢個賣相多D~~~
樣樣甜品都好好... 仲有好多款我地都想試但又係個句- 個肚無位擠~~ 呢間極力推介, 下次一定要翻炒
沒有留言:
張貼留言