非人生活

今日, 終於踏足返我既非人生活!

其實, 由係杜拜返黎個一刻已經慢慢踏足緊!

係杜拜同你一齊既生活, 我會做好女主人既本份.... 為你煮飯, 打點家中大小事務, 催促你要早早上床休息.... 務求令你生活得舒舒服服, 健健康康!

**********************************************************************

表面上, 我好似一個好識照顧別人既好女仔

實際上---

返到香港.. 我就好似變左一個'單身麻甩佬'咁, 一個字'亂' !!

首先, 一返黎, 已經見到我間房亂到不堪, 簡直唔想面對事實呢間係我自己間房!

第二, 係杜拜短短一個月, 原本將長伴二十幾年既黑眼圈黑色程度減退左一半,,,  今日又浮返晒出黎! (大家都見到我係幾點post 個網, 依家係零晨5點08分!)

第三, 由一日三餐又減回得一日一至兩餐!! (除左想減肥外, 最重要係懶得煮&落街買野食!)

第四, 托賴地係杜拜住咁耐都未試過真係生病, 連鼻敏感引致既鼻涕都無埋,,, 但可能香港空氣關係... 我既鼻敏感又返黎搵我啦!

第五, 久違左既麻雀戰, 今日又開局啦... 由中午打到半夜... 天昏地暗,, 好恐怖呀!!! (最恐怖係我又扮演觀音開庫既角色!!   班友仔仲狼過華秀隻狗!)

呢D咁既生活,, 好似乜都亂晒咁!!

原來無左你係我隔離... 我生活係如此不正常~~

平時你成日話我照顧得你好好... 依家諗深D... 其實一直係你照顧得我好先真!!

DAR.....I miss You!

當我掛住你既時候, 我就會不斷重覆又重覆咁睇返我地以前影既相.... (啱啱睇返希臘d相, 發現原來有一張我地係笑得好開心架..... 希望快樂會長伴你身邊... 日日都過得開心!)