hello hello~~

每次坐飛機見到藍天與白雲都覺得好靚, 睇極都唔厭....

藍天白雲, 你喜歡嗎?

HELLO...  今日我地處於北海道美瑛一間民宿到宿一宵,, 係呢d 鄉村地方, 無乜節目, 可以抽返d時間上網, 見下大家啦~~

呢幾日既行程雖然唔似跟旅行團咁鴨仔Feel ....但我地都排到D行程好緊密,   每日都拖住疲乏既身軀返酒店!  只係呢兩日入左富良野, 難得可以靜靜欣賞大自然環境, 同繁忙既都市分開下, 享受下農田一刻既寧靜.... 感覺都唔錯!!

等緊晚餐既我地, 唯有慢慢編排下行程, 同呢到唯一一個識少少英文既女工傾下計, 感受下當地文化!

過去幾日, 去過扎幌, 小樽 & 富良野...  感覺日本真係好整齊, 所有街道, 房屋既規劃都好似一個個正方格咁, 所以自己揸車既我地, 去任何地方都無乜太大問題, 就算有時行錯路, 都唔難去返條啱路!   加上有車係手, 行到邊, shop到邊, 都完全無問題, 唔洗怕買完野一抽二'撚' 咁行街,, 將所有野乜都放晒入車就可以好輕鬆咁繼續行, 二黎, 揸車真係好方便, 想去邊, 一個電話號碼就可以搵到路去到, 唔洗又周圍諗坐咩車, 行邊條線, 慳返好多時間, 車費應該都慳唔少呀!!  (所以我會極力推介你地如果想去北海道玩, 揸車係一個明智之選!!!)

好啦.. 就開飯啦,,, 唔講住啦~~

差D唔記得, 要感謝主一直既照顧 & 帶領~~ 呢幾日一切一切真係靠主先會咁順利!! 感謝主! 

到左北海道啦... 係上空望落去, 其實就係一個個好整齊既農田/花園.. 好難想像北海道有咩好玩?

佢地D路就好似你所見到咁, 正正方方, 永遠都唔怕盪失路!