笑話一則!
尋晚同大少晚飯後, 一返到屋企, 佢就攤係Sofa到... 我靜靜咁坐係地下望住佢
我 : 你咁快眼訓啦? 大少 : 係呀, 好累呀~~~ (說話沒氣沒力)
我 : (情深款款咁摸佢塊面) 你訓覺個樣好似狐狸!! 大少 : (即刻睜大雙眼) 下, 點解呀?? 
我 : 你訓覺咪埋眼時對眼好似狐狸囉!! (但我依然繼續情深款款咁望住佢~~ 覺得佢一臉稚氣!)
我隨意講左一句 : 狐狸先生幾多點?
大少 : (援援睜開雙眼, 四周望一望) 十一點三 (好正經咁講!)
我 : 十一點三!!!!!! 邊有十一點三架~~~~ 
.................................. 勁爆笑~~~ 大少 : 依家咪十一點三囉~~ (唔明我仲乜笑得咁勁!!)
(行碎步咩!!!!)
我: 你有冇玩過狐狸先生幾多點呢個game架!!! 小學好HIT架喎~~ (繼續大聲恥笑佢!!!!!!)
大少 : (無奈地) 我未聽過喎!! 
阿呢漫畫開左blog呀, 有空入黎睇下
回覆刪除舉手, 我有玩過 ~
回覆刪除同我好姊妹一樣有玩過呀
回覆刪除咁攪笑, 居然未聽過??
回覆刪除下??????????? 唔係啦fa???????????? 真係估唔到有人比我更唔曉童年玩意喎. 我呢, 已經覺得自己好屎, 好多小時候玩意都無玩過....但起碼都聽過. 你大少果然堅. 佢係咪住半山高級豪宅大, 細個讀國際學校架? 不過呢....狐狸先生幾多點呢個遊戲比較多係女仔玩. 可能...佢唔同女仔玩呱. (你再問下佢有無玩過火燒後欄, "何仔公" , 紅綠燈過馬路要小心.....啦!!)
回覆刪除俾你地2個人笑死啦！~~~
回覆刪除大少咁out架, 狐狸先生幾多點都未玩過~~~~
回覆刪除哈．． 未玩過狐狸先生幾多點．．．十二點．．．仲唔快ｄ走
回覆刪除佢真係答你果吓爆笑喎
回覆刪除HAHAHA .....會唔會係大家年代唔同呀?! 可以佢果時唔興呢
回覆刪除大少係邊度大架? 咁都唔識
回覆刪除各位,, 我初初都覺得好surprise點解佢未聽過呢個game...但佢真係好認真咁話無聽過?! 可能佢細個無人同佢玩, 所以唔識玩呀!!! 呵呵呵~~~ 不過話時話, 我都唔係好記得點玩!!
回覆刪除大少真係咪聽過, 佢小學唔通冇小息?
回覆刪除我都聽過 不過好似唔係我果年代玩Ｏ既
回覆刪除狐狸先生幾多點都未玩過 ?/
回覆刪除我小學都有玩過喎
回覆刪除有冇搞錯，未聽過？
回覆刪除我地係同一個年代, 幸子有玩過!!~ (不過我隻大pooh肯定唔識, 因為佢黎由另一星球! hehe)
回覆刪除我都未聽過喎，死啦....好老土!
回覆刪除佢話未玩過..其實...佢係咪食左k仔啊....
回覆刪除我都有玩過呢個童年遊戲, 仲有好多添....(黑白、小皮球、橡筋繩...)
回覆刪除狐狸夫婦好可愛
回覆刪除我依家好驚呀~~~ 我唔知大少見到呢篇網誌會唔會話我做乜出賣佢!! 我同大少D同事分析過,, 可能佢男仔周圍跑, 好少同朋友玩呢D野, 所以佢唔識掛 (唯有係咁諗!!)
回覆刪除