由小樽揸車往富良野,, 車程較長, 約需2.5-3hrs... 由於富良野多為小路, 彎彎曲曲... 雖說不上難行, 但為安全起見, 車速比起平時都需要放慢.... 所以呢段路啱晒我揸 (擺到明唔揸得快, 我唔洗怕跟我車既人不滿!!)去到富良野, 已經係黃昏五六點,, 我一早經上網BOOK左一間民宿, 佢地晚飯時間為六點半.. 到達目的地剛好"開飯啦~~~"富良野都算係鄉村地方,, 酒店當然無市區咁多選擇... 但一場黎到, 當然要住下民宿, 感受下當地文化!! 呢一間民宿係屋主自己親力親為一手一腳起出黎... 感覺好warm....
呢間民宿有一間主屋 (主屋有三間房租用, 但要共用廁所) , 另外主屋傍邊有2間 Cottage, 有私人廁所.. 我地就book左其中一間cottage住!
男主人負責烹調, 女主人則負責招呼客人.... 好美味既晚餐!! 看似簡單, 但應該都花唔少心機去煮~~
至於一晚民宿價錢已包兩餐, 要係主屋到享用... 屋主係一對夫婦&一個女, 雖然佢地唔識講英文.. 但係佢地親切既笑容加上連日熟練既body language, 已經NO Problem 啦!!
全屋每一件物件都感覺到係屋主既心血..
呢一間就係我地book既cottage...夜晚行出去可以望到好多星星...
呢間就係佢地既主屋.. 都好大間架!!
去到富良野... 天色開始變差.. 無之前咁陽光普照,, 而且去到富田農場, 發現現時果然唔係適當既賞花時機,, 無乜薰衣草, 而且其他花種都唔多!
係咪好靚呢.............
係咪好壯觀呢 ..................
係咪好令人興奮呢 ...............
可惜, 我地見唔到呢D花海,, 呢幅只係大少係電視到影返黎架... haaaaaaaaaaaa.
呢D先係我地見到既野... 差好遠呢!!
浦公英係富良野最常見既植物.... 一大片浦公英..感覺都幾靚呀!!
無乜花睇, 我唯有寄情於shopping...富田農場都有幾間鋪頭專賣乾花/薰衣草製品... 好靚架~!
太多相啦... 有興趣可以去
相薄到慢慢再睇!!
買完野... 又係食野時候... 薰衣草味既puff & 布丁... 但我地覺得蜜瓜味好味D!!
北海道另一名產 ---- 薯仔!!!! 呢到D薯餅真係好味正暈~~~ 連唔鐘意食薯餅既我地, 都食左兩個!!!
薰衣草波子氣水.... 好好味!! 平時唔太鐘意飲波子氣水, 但呢隻薰衣草味好清淡, 好好味~~
另外我地仲去左Flowerland摶下有冇花睇.. 都有既, 但又係唔多囉!!!
呢張相係咪好有feel呢... 大少個樣好嘆咁!!
雖然天色唔好,, 但我都曬到有背心印~~ 連日黎咁曬發, 我D雀斑出晒黎開party!!
對富良野唔算太失望,, 因為都無抱太大希望過!! 但眼見好多花田D花未開, 我地已經感覺到如果當D花開齊時, 個景會有幾壯觀!!! (有機會一定要再去過!!)
下一個目的地 - 美瑛!!
F
回覆刪除