上星期日, 坐早機九點五十分直飛往北海道... 雖然好似早機去, 晚機返好好咁, 但其實實際到抵新千歲機場, 加埋排隊過關等; 出閘時, 已經係下午大約四點幾....
幸好國泰假期機票加租車package有迎賓服務, 一出到接機處, 已經有一位笑容可親既小姐帶我地去攞車.. (原來攞車個到個counter好遠, 好彩有人帶路, 否則又要搵一大餐!) 呢架就係黎緊七日六夜都會倍伴住我地既小型汽車啦... 雖然得1300cc, 卻完全足夠應付係北海島駕駛既速度!
經指導員細心講述使用方法後, 我地呢幾日就係靠佢周圍去啦~~~ (使用方法超簡單& User friendly)抵達札幌Keio Plaza Hotel, 已經大約係晚上六點幾... 放抵行李後, 稍休片刻... 就出發啦!
可惜日本好多shopping mall 都收好早, 八至八點半都會陸續關門, 我只有怱怱搜略一番, 都已經無得再shop...唯有轉攻去搵野食!
由於我同大少由中午係飛機到食左少少飛機餐後, 就直踩到夜晚, 個肚餓到不堪... 只好近近地搵野醫肚啦!
係Esta 10/F 有一個札幌拉麵共和國, 我同大少就走上去睇睇咩環境先...
環境確係唔錯, 裝潢得好似舊式日本建築&擺設, 內有十間拉麵館 (書話呢十間麵館每年都會再作評估, 要係全札榥最出色既拉麵, 先可以係到開檔架!)
就算唔食, 都可以入去影下相!!
概念有d似銅鑼灣總統後面既拉麵街.. 不過呢到當然正宗好多啦~
最後, 我地揀左呢間白樺山莊作醫肚食店.... (唔識睇日文既我地.. 隨意一人點左一碗麵)
好多打工仔 OR 夜收工既人都入黎呢到食麵....
我都唔知呢碗麵叫咩名,, 味道唔錯呀 (我覺得日本拉麵最好味係個麵質夠彈牙, 反而湯底對我黎講好似都差唔多!)
大少Order既... 味道較濃, 多料dd.... 又係幾好味!
食完拉麵, 返酒店揸返架車到狸小路逛下... 不過當時差不多所有商店都已經閉左門... 相反, 多左好多年青人走出黎係狸小路到排舞... 見到佢地, 真覺得佢地好勁~ 當時天氣得十度到.. 有屋企唔返, 特登約埋係街到練舞....
最後去到一間名叫激安殿堂到逛逛 (因為呢間野開至零晨五點), 內裡都係賣d 家居用品, 食物, 無謂野咁啦~~ (雖然無謂,, 都幾得意!!)
返酒店前, 大少又嗌肚餓... 我無能力倍佢再去居酒屋食野,, 只好帶佢去試下Mos Burger 啦 (大少未食過, 食完都讚GOOD多GOOD多...)
日本既Mos Burger除質素比香港好外, 服務&環境都一流.... 好鐘意日本人既有禮貌程度, 簡直去到頂點~~ 我諗我咁情緒化,, 成日黑面... 好難係日本搵食!
太多野想介紹, 但我依家超眼訓啦... 聽日有時間先再繼續UPDATE啦... TAKE CARE !!
沒有留言:
張貼留言