北海道之旅 - 小樽 (1)

終於去到音樂之都小樽啦... 去完白痴戀人工場再加上到酒店check-in後, 還趕得切到小樽運河到影黃昏景..

可能因為平日關係, 小樽街頭少人得可憐.... 啱晒我地慢慢set 腳架點影都無問題...

天氣仲係唔錯, 一景一物都份外有風味 (我又係到扮晒有格調咁

)!!!

小樽最出名既小樽運河, 由於夏天, 等到七點個天仍然好光.... 我地捕左幾次都等唔到個天色轉紫.. 

相信冬天去小樽, 鋪滿白雪既運河景會更加吸引~~

 

寧靜既運河上, 只聽到白鴿叫!!

就係小樽運河斜對面, 有一堆超可愛既建築物... (大家可以見到佢地既高度相當矮... 但入面境然係一條食街, 有好多間食肆架~~)

Close Up 望一望... 好得意呀!!

好鐘意呢D建築.. 好得意, 顏色又鮮艷.... (只怪酒店已包晚餐.. 否則我一定會入去幫襯!!)

每間食肆都好矮, 好似去左小人國咁~~

小樽有好多倉庫... 不過依家改建晒為食肆或者shopping mall ~~

其實小樽都好多野食.... 行到邊都係食肆,, 想試多幾間都好難!

雖然話酒店包左晚餐 .. 但我地忍唔住都買左上圖 - 哈蜜瓜味Puff & 下圖 - 北海道牛乳味布丁食... 兩樣都超好食....

 (打後幾日, 每逢見到呢D布丁, 我地都有買黎食, 因為唔同地方有唔同味,, 而且杯杯都係超滑漏呢~~)

好啦... 先休息下,, 聽日(如果有時間) 繼續介紹朝早既小樽...

待續~~~

(好多謝大家一直支持睇我個blog...請原諒我又覆得慢, 又post得慢啦... 依家到我要去巡你地既blog啦~~~)

聽日端午節啦... 但我無機會食糭

 

祝大家端午節快樂!!