北海道之旅 - 白之戀人工場

食完一餐豐富既lunch 後, 我地下一個行程就係去北海道名產 --- 白之戀人工場!!

遠望, 已經見到一座歐陸式既建築物... 位於札幌市較遠既地方... 感覺好寧靜, 好舒服!!

入到去既感覺更正, 因為又係我勁鐘意既歐陸風情~~~~

 (好浪漫呀!!)

而且仲到處怖滿五顏六色既鮮花, 令人心曠神怡....

 

我好鐘意呢條橋... 好靚呀~~

呢到有一間玻璃屋.... 入面發售結婚用品, 全部都十分精緻... 唔買都有排睇!

到處擺放左好多小屋, 小車俾遊人影相, 小朋友細細粒仲可以走入去玩添~~

係室外玩完一輪....  真係入去睇白之戀人既來由&作製過程啦~~~ (不過由於唔識睇日文, 更加唔識聽, 所以起唔到佢底... )

室內既野唔太特別, 所以好快就行完~~

唯一令我地大開眼界既就係白痴戀人既生產線係完全開放俾大家睇.... 親眼見到白痴戀人既作製過程, 覺得日本人既QC真係做得好好.. 雖然只係一塊普通既朱古力夾心餅, 但製作都非常認真唔馬虎!  唔怪得之賣得咁貴啦~~ (我錄低左作製過程架,, 好清晰可以睇到晒... 但可惜又係file太大, upload唔到... 唉!)

首先有一個人負責將白朱古力一排一排咁放入機到...

機器會自動將兩塊曲奇夾住塊白朱古力~~ 然後輸送帶會排好一塊塊等呢一關既人作檢驗 (睇下塊朱古力有冇夾歪, 有冇夾漏, 曲奇有冇裂等等等.... 佢地真係好認真咁Check....塊朱古力漏少少邊出黎都要 - out!)

最後個part就係packing 啦... 由頭到尾都係全機械化... 人手唔多.. 但每日生產量驚人... 一定賺到笑!!

upload唔到段片俾大家睇.... (等你地自己親身去北海道先再去睇啦!!)

最後, 點少得去買手信呀!!

唔覺唔覺, 原來白痴戀人唔只出夾心朱古力餅, 仲有好多款唔同既products..... 花多眼亂, 買窮你都得!

呢餅蛋糕見到好多地方都有得賣... 但自己未試過, 見到都飽!

仲有朱古力 & cakes 賣... 不過唔知好唔好味?

最後, 我地一人買左一杯雪糕食 (藍梅 & 綠茶 )... 好香滑呢~~~