北海道之旅 - 小樽 (2)

去到小樽, 當然要參觀下小樽最出名既音樂盒店鋪啦... 呢到D鋪頭賣既產品其實好類似... 大多數都係音樂盒, 擺設, 玻璃工藝等.....

好多款唔同既音樂盒&擺設... 感覺好似擺得好靚.. 但唔會有興趣去買!

除左價值較貴既音樂盒較值得欣賞外.. 我覺得好多野都好似大陸入口咁~~~

蒸氣時計 .... 係小樽都好出名架!!  由加拿大的鐘錶名匠所製。每隔一小時會自動報時, 每隔15分鐘蒸氣會以五個音階演奏音樂

小樽有好多建築物都好仿估&歐陸式.... 加上人唔會太多, 感覺好舒服!

係小樽音樂風管堂入面仲可以自己製做音樂盒, 你可以挑選自己心愛既公仔 & 樂曲... 依照自己既設計及喜好, 製作一個獨一無二既音樂盒!! (但呢D細細粒既公仔... 都唔平架, 執下執下...個音樂盒仲貴過買個現成!!) 雖然我無做音樂盒..但我都買左一隻玻璃公仔... 你地估下係邊隻?! 

除左音樂盒/玻璃工藝外.... 仲有一間賣日本清酒既鋪頭....  鐘意飲日本清酒既朋友又點可以錯過呢!!

係到隨處可見硝子呢個子.. 初初我以為真係賣哨子.. 仲同大少講無興趣睇哨子!! 點知硝子唔係我以為個隻吹得既哨子..其實係璃玻工藝品~~ 真係失禮死人!!!

小樽呢個地方雖然唔係好大好多大型商場... 但佢地小鋪足以行到你唔想行.....

行左成朝,, 我地揀左"政壽司" 作午餐.. (政壽司好老字號.. 但原來有兩間, 一間舊, 一間新... 當日舊鋪休息, 我地唯有去新鋪)

食物唔洗講都知有保證... 總算還左我個心願想食壽司.... YUMMY!!

食完仲有下場... 旅遊書介紹必吃雪糕... 有圖為證, 廣抺涼子都話必吃喎~~~ (一場黎到.. 都試下啦!!  又係一樣.. 日本乜都好味.. 究竟係日本D野有質數保證.. 定係外國月光特別圓呢???)

玩完小樽... 要去富良野啦!!!!  天氣開始唔穏定啦,, 連日都落過雲雨~~