北海道之旅 - 飲食篇 (場外市場)

去小樽之前, 我地去左場外市場到搵長腳蟹食 ~~

由札幌揸車去呢個場外市場, 時間大約半小時就到... 個到環境好優靜, 空氣份外清新,, 一D都唔似市場!!  可能日本D市場就係咁啦,, 唔同香港個D...

我地周圍行周圍睇, 揀左一間最多生蟹&規模幾大既鋪頭, 係入面揀我地既獵物!!

嘩... 好大隻蟹腳呀~~ (我地臨走時都係機場買左兩PACK返香港俾屋企人食呀!!)

呢隻係我地最後揀既長腳蟹...  size唔算太大, 但兩個人食, 都好好好好夠!!!

揀完蟹&帶子就即劏即食啦喂..... 就係隔離, 有個餐廳&廚房serve你!

唔自己揀即叫即劏,, 都可以叫其他一般日式料理.... MENU圖文並戊.. 鐘意叫乜都無問題~~

我地除左Order蟹&帶子, 黎到咁新鮮既市場, 點可以少得叫其他海產呀~~ (海膽三文魚子丼...正!)

長腳蟹一半做刺身....  (味道我覺得OK,, 蟹既肉好得意, 係一絲絲, 一條條, 唔係一舊肉咁!)

另一半用作烤... (我覺得烤好味過刺身... 蟹肉烤完肉汁尚在, 又甜又彈牙... 好味到不得了!!!)

蟹蓋無乜羔, 無乜肉... 但好大隻 (我又發揮攪攪陣本色, 同大少講, 不如洗乾淨攞返屋企當番梘dull... HEEEEE)

仲有仲有.... 新鮮即劏帶子.... 帶子刺身就真係一流... 比起長腳蟹刺身好味得多.... 又甜又有口感.. 正正正 (價錢仲要超低, 1000yen 4 隻大大隻!!)

仲有烤帶子... 好多汁呀!!

開餐時, 真係唔知食邊樣先, 樣樣都咁好味~~~

我地兩個人叫到成枱都係野, 隔離枱六個人都無我地嗌咁多... 最後, 都係由大少一力包辦!!!  (佢日日都食到飽到上心口!!)

最後最後, 點少得北海道最出名既夕張蜜瓜.... 真係甜到'確' 喉架~~~~ (成個買好貴, 我地只叫左一楷食.. 因為實在食唔落啦!!)

超好味, 超好味, 超好味呀!!!!