朱古力粟子蛋糕

返左香港其間, 其實我做左好多野, 日日D BOOKING都排到密密麻麻.... 首先係學整麪包, 仲有學整麪粉花 - Wedding gift 送俾我一個好朋友結婚, 另外仲學左朱古力粟子蛋糕.

點解要學朱古力粟子蛋糕呢?  原因唔係大少鐘意食, 只係原本想學blueberry cheesecake俾大少食, 但由於cake1cake既堂已經full晒, 我迫住去第二個蛋糕學校學整蛋糕, 咁啱個間又無cheesecake學,, 我見呢個朱古力粟子蛋糕賣相又幾特別, 我就揀左黎學,, 學完第二日仲可以攞返舊公司請同事食添!

我自己本身鐘意食粟子蛋糕, 但大少麻麻地,, 攪到我依家都好少食,  今次整完,, 只係覺得個款幾得意, 味道都唔錯... 算係我學過咁多款蛋糕之中最易既一款, 只需焗個朱古力蛋糕切四片, 層層叠咁梅花間竹叠起就ok.. 中間個d全部都係粟子蓉.. 只要唧得靚就無問題... 開party時用黎招呼朋友都唔錯架!

蛋糕面再灑d可可粉作裝飾

要係蛋糕面到唧三十六個小波波, 個個size要差不多, 又要夠平均, 呢個步驟都幾難... 我個朋友唧到d小波波變晒小磨菇,, 好攪笑,, 好後悔無影低佢d小磨菇俾大家見識下添.... Meeko, 不如你自己post上黎呀!!

好開心, 同事們都讚好味道!!!