一直以黎, 大少多數都會返黎同我食LUNCH, 所以我由朝早整完早餐後, 都好少會再去訓返, 我驚訓過龍起唔切身準備LUNCH.... 但尋日因為大少有野做, 所以我可以好'他調' 咁做自己野, 唔洗趕住準備午餐(我連早餐食完D碗都未洗) Haaaa...... 到左三點幾我先肚餓... 入廚房見到有個生菜未食, 想整沙律又等唔切'烚'薯仔, 見到又有長法包, 趕住要係聽日之內食晒, 最後我決定又整呢個delifrance餐出黎俾自己食...
整到一半, 突然間又想攪下野, 想將碟包裝飾得靚D, 就攞左個蕃茄出黎, 挖空心, 略煎一煎, 將D粟米粒放入個蕃茄到, 感覺上呢碟包又好似high 左幾級 
大少成日都會讚我煮出黎既食物d 擺位整得好吸引, 有佢既越讚嘗, 我就越有心機去整,, 依家攪攪下, 有時明明得一個人食或者就咁食生果, 我都會想整靚D先食.... 但由於係到既工具有限, 好多時因為d碟既款式, 枱既顏色, 燈既光暗度, 都會令到我整既野變得無咁吸引... 所以我同大少講, 將來我一定要將間屋既飯枱擺設整得好靚, 咁樣食起飯上黎先會開心架麻... 你地話係唔係?
個蕃茄整到好似一個禮物盒咁, 食落時會好開心架! 
沒有留言:
張貼留言