HOMEMADE PANCAKE

覺得自己最近好似懶左, 唔係咁鐘意整中菜食, 好似過去個幾日, 多數都係食三文治, 沙律, 義粉, 長通粉, 熱狗 等等....  無可否認, 整西餐好多時都好似方便過中餐, 因為中餐成日都要醃野, 又要準備好多唔起眼既材料... 花花埋埋d 時間就係咁無晒...

我過左黎除左廚藝精湛左外, 手腳都快左好多, 好多時唔洗半個鐘我都可以整好一餐飯..... 

今日, 我又臨急抱佛腳咁整左個大大塊PANCAKE俾大少食, 原本想整洋蔥豬扒碟頭飯, 但我十二點四十五分先開始將舊豬扒攞出黎解凍(但大少lunch time 係1:00pm - 2:00pm), 係唔夠時間既情況底下, 我係廚房諗諗下, 睇下仲有咩剩餘物資可以整... 又適逢最近買左個新既大平底獲, 我就膽粗粗試下整呢個大PANCAKE (台式可麗餅)

 

材料:

PANCAKE粉 .................... 一碗 (普通飯碗)

水......................................  大約一碗 (但唔好落晒)

蛋 ..................................... 一隻

Oliver Oil ......................... 少許

 

配料:

 

吞拿魚 ............. 適量

粟米  ............. 適量

芝士  ............. 適量

其實任由個人口味隨意加入配料, 可以用雪糕或生果都得, 大家可以參考街外menu.

 

做法:

 

1)  將材料打勻, 唔好有粉粒, 攪至滑身 (狀態係結結地, 太水就要加返少少粉

2)  燒熱獲落油, 將油前後左右'LONG'下,令油鋪滿獲

3)  將1 適量倒入大獲內成圓型, 要確保有適當既厚度 (約0.5cm), 唔夠厚唔夠力包住d配料)

4)  轉細火慢煎, 因為個pancake太大, 應該唔容易將佢反另一邊煎, 所以用細火令佢烘熱至熟透

5)  擦上牛油或自己喜歡既jam, 放上適量配料, 略熱一熱 (配料盡量放係中間)

6)  將左右兩邊pancak向中間摺, 形成一個三角型, 即可!

其實呢個做法係我自己首次嘗試, 但又成功左.. 如果有興趣可以試下...  食時可再配上自己喜愛既果醬或pancake糖醬.,, 好好味架!  大少又係食到'lam lam脷'