菠蘿包, 腸仔包, 吞拿魚包, 紅豆包

尋日去左Cake1Cake到學整包.... 點解會想學整呢個麪包呢?!  原因無他既,, 因為我大少鐘意食菠蘿包麻, 係杜拜呢D鬼地方邊有咁正既野俾佢食,,, 所以身為佢背後既女人,, 我當然要去學整啦... 去到杜拜佢突然話想食, 我都可以變個菠蘿包佢嘆麻... (就算唔好食, 到時去到杜拜佢都唔會嘈, 因為好過無麻..heeee)

原來學整呢個麪包其實都唔係太難... 但要俾好多時間同埋體力, 因為搓個舊咁既麪粉, 足以令你幾日都手痛,, 又要打鬆佢, 又要拍偏佢, 真係未食飽飯都無力做...

不過, 見住一隻隻自己親手製造出黎既麪包, 個心又真係好興奮, 好似自己d BB要出世咁... 係個焗爐出面係咁望住佢變色, 發大,,, 個心就會回心微笑,, 都唔記得晒頭先同舊麪粉對抗時既辛酸...

但話時話, 如果唔係大少鐘意食, 我絕對唔會因為心情好或者心血來潮整黎送俾人囉.. 因為我寧願俾廿蚊你去買個仲好... 整包最浪費既係體力&時間, 因為要同舊麪粉摶鬥, 又要等佢發酵, 真係少D耐性都得..  所以朋友們... 我個人認為學蛋糕絕對係好過學整麪包, 起碼蛋糕整左出黎又靚又大件.. 但麪包.. 你整得幾多個? 而且唔係新鮮出爐又無咁好食... 所以個成就感就會無咁大囉 ~ 

不過,, 學識左, 知道點整都係好既, 起碼知道自己成日食緊既野究竟係點整,, 食既時候都知好食同唔好食, 究竟係邊到出現問題呢?  做人最緊要就係有求知慾.. 唔一定要做得好,, 但起碼知點做... 知多D... 咁咪唔會變'咩'太囉...

我六隻小包包係到發大緊啦.... 好緊張呀!!  就黎出世啦....

出爐啦, 出爐啦.... 好香呀.... (個心暗裡歡喜, 因為比起某D同學個D, 我覺得自己個D算焗得唔錯啦..WAHAAAA)

我最鐘意係腸仔包, 因為個皮好脆, 條腸仔又好好味!!!!  我做左個新嘗試, 中間o個個其實係吞拿魚包.. 但我唔記得左, 走左加多左塊菠蘿皮上去, 焗出黎之後咪變左菠蘿吞拿魚包囉...又甜又咸,  都算係自創菜式,, 勇氣可加!!

我人生第一個親手做既腸仔包!!! 太感動啦!!! 

個菠蘿包都好好味.... 個皮同出面個D一樣架, 個包又熱又鬆軟...仲少左油膩既感覺.. 因為我地個MISS專發明少糖少油既蛋糕麪包既做法架....

** 有個笑話想同大家分享:  搓麪粉其間, 因為大家都好投入, 好用力咁不斷將舊麪粉撻落張枱到, 再搓佢... 事先有個同學已經肉緊得濟,差少少就將舊麪粉撻落地, 好彩啱啱舊麪粉痴左係張枱邊到.無跌到,, (但我已經有少少想笑, 不過唔識人, 笑人好似好衰咁) ,, 跟住MISS已經叫大家小心D, 唔好過份投入, 將舊粉亂撻, 飛左落街或者飛去對面個同學到!!   無耐... '我隔離個同學真係撻左舊麪粉落地下... 我一望, 個心已經諗 "嘩, 乜真係跌左呀, 咁仲要唔要呀? 地下咁多塵?" 點知佢執返上黎時又甩手, 再跌多一次落地喎... 我真係替佢家人或朋友擔心, 唔知食佢D包既人, 會唔會食食下搵到條毛, 食食下又搵到條頭髮, 食食下又有D 一粒粒黑色塵?"  所以... 我地都係買返街個D麪包算啦... 眼不見為乾淨麻! >_<