聖誕大餐

好難先係杜拜搵到一棵怖置得咁靚既聖誕樹... 送俾大家... 祝你地個個都有個開心溫馨既聖誕節!!!!

 

又到聖誕, 又到聖誕.... 我諗呢一年係我咁大個女過得最無聖誕氣氛既一年聖誕節!!!!  為左大少... 我放棄左我香港d 朋友, 同埋聖誕禮物........ 我好懷念上年既聖誕,,,, 係朋友屋企開party, 打便爐, 交換禮物... 仲有打左好多好多晚通宵牌加唱左好多好多晚卡拉ok.... 簡直係瘋狂!

今年, 我以一個賢妻既身份同我大少過聖誕!  其實都好開心,, 又未至於講到咁慘既,, 因為大少新買左個焗爐俾我,, 我依家可以玩多好多款菜式& cakes!!!  聽日就想去supermarket睇下買唔買到隻雞返黎焗下雞食先?  不過時間咁趕, 我睇都幾難會整到, 因為我連焗雞應該要準備d乜都未知?!

時間過得好快呀..... 依家係杜拜時間十二月二十四日, 零晨十二點五十五分.... 前幾日諗住仲有大把時間先到聖誕, 可以慢慢上網搵e-card send俾朋友, 點知!!! 我到依家乜都未做.... 仲要怖置屋企, 係香港買左少少飾物諗住怖置下間屋,,, 點知到呢一刻,, 我仲訓係張sofa到, 剩係識心急.... 都唔知自己想點? 

原本一早諗住聽日係出街食飯, 但今日我又屎忽痕同大少講不如焗雞食... 但其餘個d菜式我都仲未諗過??  點算?? 點解係香港返黎之後, 我懶左咁多既!!

Menu 1

頭盤 : 大蝦沙律

soup  :  磨菇湯

主菜 : 焗雞配肉醬義粉 (配紅酒)

甜品 : New York Cheese Cake (自製)

Menu 2

頭盤 : 鮮果沙律

soup  :  蕃茄薯仔排骨湯

主菜 : 煎肉眼扒配薯蓉 (配紅酒)

甜品 : Cheese Cake (街買)

Menu 3

出街食

你地覺得邊個menu會好d呢?