結婚...

啱啱返左香港o個個幾禮拜, 我影左好多相, 但都未有時間執... 今日趁得閒, 將佢地分返好folder... 將想同大家分享個d再re-size過先post上網....

睇返我個好朋友Anise結婚當日既相, 我好開心.... 因為見到佢搵到自己最愛既人, 可以同佢既另一伴步入教堂, 個一刻, 我真係感動到D眼淚'巴巴聲'咁流出黎.... 我好感謝主一直看顧住呢個婚禮, 令到一切都好順利咁進行... (因為我係呢個婚禮既MC, 不擅於係咁多人面前講野既我, 我不斷祈禱, 亦都重覆又重覆咁同我既Partner 彩排,, 好彩... 到最後正式時, 我都無食螺絲, 亦都無講錯台詞.... Thanks GOD)

 

可以同自己愛既人結婚係一件好開心既事, 再加上得到別人衷心既祝福, 真係人生一件永遠都唔會忘記既甜蜜回憶!

係我參加Anise既婚禮時, 有個牧師講到 : 「徐子淇同李家誠既憶萬婚禮, 每一樣野都係最豪華, 最頂盛, 所有野都係用最top, 最豪, 童話式婚禮, 傳媒不停採妨, 彷彿係所有人都羨慕既世紀婚禮 ; 但豪華既婚禮過後, 又係用咩黎維持住呢段婚姻呢?  打後既十年, 二十年, 甚至下半生? 係咪有左呢個所謂既憶萬婚禮, 就可以好幸福美滿呢?」

聽完牧師呢番說話, 我自己都有所領悟.... 好多女仔都希望嫁個有錢人, 係結婚當日, 想揀係最高級既酒店擺酒, 想有一個最完美, 最盛大既結婚典禮, 想著最靚最特別既婚紗出場, 最請一個最top既化粧師 & set頭師 .. 等等, 總之務求可以令到所有賓客都羨慕你已經搵到一個好歸宿...  但諗深一層, 做晒呢d所謂既面表工夫, 係咪就等於搵到一個好歸宿呢?  人與人既相處之道係咪就係咁簡單呢?  擁有一個完美無霞既婚禮係咪等於擁有一個完美家庭?   好多人話, 無錢結婚, 無錢擺酒, 無錢影婚妙相...  但其實如果你真係搵到一個你愛既人, 而佢又愛你; 你地認為係時候可以大家互相付托終生, 其實其他野都已經唔重要.  我覺得最重要都係大家打後既日子點樣相處先係main point.....  當然, 擁有完美難忘既婚禮 + 長相斯守既愛情係最完美...  我都好希望徐子淇同李家誠呢段婚姻能夠開花結果, 一世都開開心心咁行落去啦!

到左我呢個年紀, 身邊陸陸續續不斷傳出朋友結婚既消息... 聽到呢D消息當然係開心啦..  但最希望佢地真係無揀錯人, 嫁錯郎... 可以好開心幸福咁過

好多時唔需要太著緊有冇轟轟烈烈既愛情, 相反, 細水長流先教人難維持!

見到我朋友著住裙褂出嫁, 真係覺得佢大個女啦!!!!

 

為左朋友, 不惜只有低溫十二度, 都剩係著住一條吊帶雪妨裙咋, 個個姊妹都凍到抽筋!!! (不過新娘仲勁!)

 

呢個妹妹係個既花女, 佢笑個時個樣超級可愛... 見到佢, 我諗佢既父母就算每日面對幾辛勞既工作, 都覺得值得...