錫錫蝦蝦蝦vs巴黎鐵塔反轉再反轉

尋日放假同大少出去mall 到食Brunch,, 大少對Brunch 情有獨鍾, 明明都成十二點, 可以食LUNCH,, 但佢都係堅持要食Brunch... Anyway, 食乜對我黎講, 我都無乜所謂, 食brunch都有個好處, 因為雖然遲左起身, 但都好似仲處於好早既狀態, 心理上, 覺得個日既時間好似無waste到, 同埋我諗Brunch 既價錢應該平過 lunch 掛?!

 

行左陣MALL, 買左o的手信,, 再去supermarket買餸, 我地係家樂福海鮮區到企左陣, 終於決定夜晚整呢個 "西班牙海鮮焗飯" , 我係香港最鐘意食呢個飯.. 尤其要有大大大蝦個隻... 正! 

對住一堆海鮮,, 其實我未整過呢毎飯, 亦都無上網搵Recipe (因為懶).... 我唔理咁多住, 將所有海鮮洗乾淨, 醃好晒, 放係雪樻後, 再同大少討論下呢個飯應該點煮呢...

 

材料:

大蝦 ......................  4 隻

青口(已去殼) .......  適量 (depends on 自己喜好)

魷魚 .....................  3-4隻

生磨菇 .................  適量 (depends on 自己喜好)

茄汁 .....................  Chok幾下

蕃茄醬(用作做義粉個隻) ...  三 - 四 湯匙

醃料:

大蝦 - 用鹽鋪係蝦上, 少少酒

魷魚 - 生抽, 酒, 粟粉, 糖 (全部均少許)

青口 - 少少鹽

以上均醃半小時

 

做法:

 

1)  先煲飯, 但唔好煲到熟晒, 半熟即可

2)  開獲落油炒香磨菇, 魷魚, 青口(略炒) 備用 (唔洗撈起, 照放係獲到)

3)  另再開獲落油煎大蝦, 煎完一面見蝦轉色, 再煎另一面, 加水加生抽&酒, 直至整隻蝦表面熟透, 再轉慢火再煎一陣, 備用

 

 

 

4)  同時間, 將頭先2既材料加入蕃茄醬, 茄汁, 加糖, 加水, 煮個汁出黎(自己試味, 唔夠邊隻味就落返多少少), 但個汁要預備多D 攞黎煮熟個飯.

 

5)  將半生熟飯倒入4內, 略炒, 確保所有飯均沾上茄汁, 收細火蓋上蓋煮至飯熟 (不時抄下D飯, 如果唔係容易痴底)

6)  將飯放上碟, 按自己喜好將蝦作裝飾即可!

 

我既 design - " 錫錫蝦蝦蝦燴飯"!

 

 

 

大少 design - "巴黎鐵塔反轉再反轉燴飯" (大少自己作架!)