咖喱豬扒... 好好味!

前幾日整左日式咖喱薯仔豬扒, 我平時唔係咁鐘意食豬扒, 因為覺得好’UN’ 而且好似好鞋咁.. 但因為大少鐘意係豬扒, 所以我地都會買定D急凍豬扒放係屋企看門口…

由於近排好耐無煮中菜, 無煲飯食, 所以決定整咖喱薯仔豬扒俾大少食,, 我一早就將豬扒攞出黎解凍, 再用刀背拍鬆佢, 之後再醃… 由於上次第一次整咕嚕肉失敗左, D肉’UN’到死, 之後大少話D肉要放係室溫到等佢自己解凍先會唔’UN’, 所以我今次試下將D豬扒早D攞出黎解凍…..

材料 :

豬扒 ………………. 3 塊 (記得拍鬆豬扒先醃)

薯仔 ………………. 1 個(中size)

日式咖喱磚 ………. 2 階

醃料 :

生抽 …………….. 適量

糖 ………………. 適量

楜椒粉 …………. 適量

生粉 ……………  適量

蛋白 ……………  一隻

水 ………………  適量

(醃至少一小時, 煎前切成小塊)

做法 :

1)      將薯仔 ‘烚’ 至林身, 切粒備用

2)      燒熱獲落油, 放豬扒慢火煎至金黃, 撈起隔油備用

3)      咖喱磚用一至兩碗熱水開溶, 但慢慢開, 唔好一次過倒晒D水入去, 自己試味睇下會唔會太咸, 太辣,, 如果覺得唔對路, 就自己決定加多定減少水

4)      燒熱獲落油, 倒下咖喱汁煮滾, 再將豬扒&薯仔放回獲略炒即可

可以隨意加紅蘿蔔或洋蔥.

今次做完呢個咖喱豬扒, 我自己都覺得好好食, 可能真係因為D豬排預早解凍, 所以唔'UN', 下次可以試下將豬扒沾炸粉, 炸完D豬扒再一舊舊排好, 之後先加咖喱汁係面, 咁樣仲似日本個D定食咁.