心痛的感覺

人與人相處最奇妙之處係, 當你地好好既時候, 其他野都變得渺小, 所有野係情人眼中都變得可愛, 缺點都變左優點, 乜都唔好理, 最緊要係令對方開心; 但當一個人唔再珍惜或愛你既時候, 就會開始對對方諸多挑剔.. 唔會再包容對方既缺點, 自己既憤怒, 不滿會漸漸表露出黎....

人好奇怪, 有一種講唔出既感覺, 係心痛既感覺,... 呢種心痛既感覺好難形容, 但我試下講,, 就係個心會'拿'左一下, 繼而全身都好似俾個勾, 勾住左, 由個心到個子宮, 都好似俾野扯左一下咁.我唔明點解個心痛會關個子宮事, 但我既感覺就係一連串由個心去到下體, 都會好痛.. 呢種係我自己既感覺... 

呢種感覺通常係出現係初初熱戀既時候, 頭幾次都愛人嗌咬或冷戰時都會出現(除非一開始你已經係唔愛呢個人), 如果唔係呢種感覺就會出現...  而且會好難受, 成個人處於靈魂出竅既狀態....

不過人既構造實在太奇妙.. 呢種感覺唔會長期出現, 只限出現於一段感情既初期, 如果一對情侶越相處得耐, 大家嗌咬或意見不合既機會會增多,,繼而呢種感覺會隨著嗌咬或冷戰既次數增多而減少... 慢慢.. 兩個人就算長期嗌咬或長期冷戰, 都唔會再有呢仲感覺,, 個心已經麻木,, 唔識痛...

所以我個人認為, 兩個人如果可以一路都KEEP到當嗌咬時, 個心仲識痛既話, 証明呢一對情侶本身好少嗌交, 所以一嗌交個心適應唔到就會痛... 又或者証明呢對情侶真係好珍惜對方, 唔捨得令對方受傷... 所以當大家有少少問題時, 個心都仲FEEL到痛..   如果一對情侶每次嗌交都會心痛, 照常理去諗, 佢地應該會盡快修補呢段關係, 唔好再令大家心痛... 如果每次一有問題大家唔係顧住面子, 為左啖氣而唔去行多一步,, 而係一出現問題就去修補, 去安慰返對方, 咁即係個心未真係好痛時已經無事... 咁即係個心又係無真係受到傷害啦...

如果照住以上呢個推段去計,, 一有問題, 因為個心有少少痛, 就去修補, 咁個心無事, 到下次又有問題時, 個心又識痛, 又即刻修補, 又無事... 一路咁樣睇落去, 呢段關係大家都好珍惜大家,, 應該會好開心咁RUN落去...

有心痛既感覺究竟係好事定壞事呢?