又返到杜拜,, 返到自己既apartment, 感覺又無乜特別; 打開雪櫃, 見到好多野都過晒期, 自我走左之後, 我諗大少都好少落廚煮飯,, 兩星期前既紙包蛋糕.. 竟然仲係到??我諗黎緊呢兩日我都會好忙, 因為見到d碗碗碟碟好耐無掂過, 一定鋪左唔少塵, 我又要由頭洗過; 見到廁所個污糟衫籃, 差唔多已經滿左,, 我諗要開三機先洗得晒! 雖然又要回復C奶生活, 又要開始諗每日早午晚既餐單俾大少食, 又要開始聽收音機作唯一娛樂... 係呢到既生活當然無係香港咁多姿多采, 但當我同大少夜晚大被同眠既時候, 俾佢既體溫包圍住我, 我覺得一切都值得, 感覺好舒服, 好WARM....
今日同D清潔工人傾計, 佢地都係黎自菲律賓, 有一個叫BABY既工人, 同家人分開獨自到杜拜打工賺錢, 唯求令家中既小朋友可以入讀較好既學校; 有個叫LISA, 佢就好D, 可以同老公一齊黎做野, 但都留低三個小朋友係菲律賓俾媽媽照顧, 對上個次見到D仔女已經係兩前既事,, 個細女係八個月大時就要離開佢
個個都為左生活而拼摶... 聽完佢地既背景, 覺得自己真係好幸福!!
仲有幾日就到Christmas, 又係一年既結尾.... 回顧呢一年, 對我自己黎講都係一個好多變化既一年,, 無論點都好,,, 我希望每個我認識既人, 都有個開開心心既CHRISTMAS....好溫馨咁過啦!
我都好似你咁, 成日都覺得自己好lucky, 有一個幸福家庭, 有一班好幫我o既朋友, 有一個對鍚自己o既男朋友, 想要乜都有乜 (唔好計o個d luxury o野啦) ...呢個世界真係好多人好慘, 我地絕對要學識知足常樂~~~
回覆刪除我覺得最重要是識得去欣賞和感謝, 幸福小女人你便做到呢點呢, 懂得去欣賞和count 自己的blessing , 但很多人身在福中不知福, 睇唔到那些是值得感恩的事呢
回覆刪除小窗, 係有些失意既時候, 我有時都會抱怨點解個天咁咁咁,點解我會咁慘... 不過我知道我自己已經好幸福, 所以我好多時都會提自己唔好再咁貪心.. 我相信你都係一個懂得欣賞和感謝既人, 咁樣做人, 先至得到快樂架!! 希望你永遠快樂.... Merry Christmas!!! Candy, 係我識你呢一小段日子, 我都覺得你係一個好快樂, 好識得知足既小女孩.... 我希望你永遠都開心快樂... 可以同你既野蠻男友開花結果啦!! Merry Christmas!
回覆刪除你現在的生活好似我現在啊，不過你幸福多Ｄ。
回覆刪除