地道台灣美食

每次返台灣, 最想食既早餐有兩樣.. 1係饅頭+豆漿, 2係三文治+豆漿

台灣其中一樣特式早餐就係即叫即整三文治!

有好多款式, 豬柳、培根(煙肉)、煎蛋、肉鬆、火腿等

雖然配料簡單, 但好新鮮,, 又豐富... 而且價錢仲好實惠~

呢類早餐好多時都係只開早場, 下午時份就會打洋... 所以想試下台式三文治,, 唔好咁遲起身啦!

兩份三文治都係40蚊台幣... 好抵呀!! 為返港紙10蚊咋... 但就十分足料!

台灣人仲會食蘿蔔糕當早餐,, 味道同港式蘿蔔糕有少少唔同..都唔錯!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由於三叔長駐台灣, 佢又係一個好鐘意食野既人..所以去到台灣想食乜, 一問佢, 佢即刻講得出邊間好, 邊間唔好!!!

好多時一般港人眼中出名既餐店,, 係台灣人眼中, 只係普通貨識.. 本土人係唔會幫襯!! (e.g. 阿宗麵線, '頂'太豐'等)  所以每當我話想去食乜食乜..好多時都會被台灣家人話...攪錯呀,, 個到邊好食呀..邊到邊到仲好食啦!!! (超無奈~~ )

另一樣返台灣必吃既就福州魚丸... 雖然福州魚丸唔係台灣特產.. 但佢地做出黎既魚丸實在彈口, 而且配合麻油清湯食,,真係超好味架!!!

大大粒既福州魚丸,, 食既時候要小心,, 會'嗶'汁架!!! 一碗30蚊台幣~ 勁平

炒米粉係常見既台灣小食... 味道靈魂係d蒜蓉肉碎醬, 配一碗貢丸湯或魚丸湯,, 一流呀!!

魯肉飯唔洗多講啦~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另一樣我既至愛就係街邊小炒... 好正架!!!

米粉湯,, 雖然只係一碗齋米粉.. 但佢地既米粉係粗身米, 而且最好味係d 蔥粒, 炸蒜粒, 西芹粒&清湯底.. 有時食飯食到厭, 改食一碗米粉湯都唔錯!

噢.. 我最愛既蝦仁酥... 連殼炸... 成隻食!! 我見到都流口水~~ (仲有放係面既九層塔,, 係我最愛最愛既香葉)

Daddy 必點既醉雞, 台灣出名走地雞... 好有雞味!

燙通心菜... 唔知點解, 我覺得台灣既菜特別好味!

雖然係街邊檔.. 但係唔好睇小佢,, 味道真係唔錯... 而且價廉物美!! 夜晚訓唔著想食宵夜既朋友, 不妨試下!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其他我不太喜愛既小食

蚵仔麵線... 細個好鐘意食,,但越大越覺得唔好食.. 好杰呀!! no good~~ 

街知巷聞既"賽門甜不辣"!!!  我Daddy同阿叔都話好好味...有眼你睇排晒隊~~

其實甜不辣到到都有,, 黎黎去去都係個d野.. 吸引人之處係個'pat'汁.. 但對我黎講.. 唔啱我口味.. 好似係到食麵粉咁!

不過個個人口味唔同.. 我只係介紹一d唔起眼既台食俾大家睇睇!! 基本上, 台灣小食大部份都啱港人口味... 如果一大班人去玩就最好,,乜都可以share黎食... 乜都試下麻!!