美好回憶 Friendship Forever!

今次除左我自己影相外,,仲同左兩個best of the best friends 一齊去影...

啱啱得到佢地同意... 我都想post出黎同大家分享下!!!

因為除左一千零一張我自己既黑白照外,,,我最鐘意就係我地三個一齊影既呢幾張...

我地相識廿年咁濟... 第一次一齊去影樓影相..

三個癲婦專登揀左一系列誇張造型,, 為著係留一個特別紀念...

出黎效果我自己好鐘意... (其他人指指點點既說話我唔理, 哼!!!!)

我鐘意因為感覺好開心, 我鐘意因為顏色好鮮艷, 我鐘意因為真係好難得呀!!!

不過老實講...我諗除左我地三個... 無乜人會欣賞!! haaaaaaaaaaaa

食飽飯千祈唔好睇!!!!

heeeeee~~~ (Get ready....go!!)

因為我較高,,所以多數被攝影師安排企中間...  呵呵呵~~

呢張係攝影C叫我地三個試著擺個"撫媚"既表情... 睇黎!! 呢D表情真係唔係人人識擺... 係我地三個入面完全搵唔到咩叫"撫媚"囉!

我最鐘意呢張..因為我地笑得好開心...

介紹下先... 前 : Cherry , 中 : Carmen , 後 : 小妹我!!!

Carmen 由小學三年班已經移民去加拿大啦,,, 一直以來我地都係用信件來往keep住呢份友誼,, 一直無間斷過.. 對上一次見面係18歲時佢返HK換I.D. Card....轉眼間...又差唔多十年....   我諗過左今次,, 我地三個再會時將會係其中一個既Wedding到... 到時真係"不知在何時, 不是在此時, 我想大約會是在..... ?季"

我相信我地既友誼呢一世都唔會變,,, 將來老左再睇返呢輯相,,真係一個好好好好既回憶!!! yeah....

******************************************************************************************************************

另外仲要講下俾大家知.. 呢輯相既價錢係NT6900, 包五個造型, 化粧, SET 頭, 四十張相連其他野...如: 一本大相薄, 一本兩寸細相薄, 一張18"大相, 貼紙, 匙扣, 小相架, 大相架, CD, 小T-shirt等..

攝影公司資料 :

White Ladder Digital Photo 白色階梯

台北市中原街8號

Tel : 886-(02) 2560 5260