GOOD "酥"

近呢兩星期都被皮膚敏感纏繞....

初初係面部, 有輕微粒粒腫起,, 心諗可能天氣乾燥或護膚品問題?!

Delay no more!!! 即刻轉晒成套護膚品... 當日即時有改善, 依家已經好返晒! (感謝主!!)

但近呢個星期輪到條頸... 無紅無腫無粒粒, 只係好痕~

日日係咁R, 越R越痕

最終前日開始出紅印... R到皮到損埋!!

呢兩日心情好down...痕到咩都唔想做 (Cindy... I understand what you feel now! )

由於初初唔識死,,係咁猛R猛R...R到依家條頸好痛,, 好似俾人毒打完咁! 好慘~~

星期四晚開始已經辛苦大少... 因為我好似死左咁攤屍, 呢幾日要佢洗碗, 煮飯, 整埋豆漿我飲 (darling,, thank you so much!! )

今日雖然都仲係好痕.. 但係我唔好意思再要佢煮飯我食 (但我又唔想出街)

所以我用最簡單, 最快捷既方法.. 煮左以下呢餐!

又係義粉餐!!! 不過今次賣點放係個湯到~~

Yeah~~ 自家酥皮磨菇湯!!!  之前見到菇菇姐post左張酥皮海皇湯... 令我靈機一觸用埋餘下既酥皮自製酥皮湯~~ 哈! 得左!!

因為敏感兼懶惰, 我只用罐頭低鹽磨菇湯+粟米仔!! 效果好正,, d湯熱辣辣, 同出面飲個d一模一樣~~ (菇菇姐.. 掂呀!! 快d試下!!)

做法 :

事前滾起個湯先, 將酥皮"顏"薄, 用叉吉幾下(呢個係我自己諗, 因為我怕焗住d湯熱得濟會爆開!!! 其實可能唔洗咁做都OK,, 適隨尊便!!), 預大塊少少鬆鬆地鋪上碗上, 唔好扯實(預留d空間俾酥皮上升漲起), 最後塗上蛋漿~ 用200度焗15分鐘即可!

雖然敏感... 但好耐無食蝦蝦義啦...死就死啦!!! yummy~~