開心Thursday

前日相約YY Cake一早十點九向MegaBox出發!! (好早呀~~ 對我黎講)

返香港後, 真係日日都fully booking.... 終於又病倒了啦!!! 當天已經又作病,, 鼻水鼻塞全部病狀又出返晒黎...唉!  不過我會把握留港時間,,唔會戎口,,, 繼續吃喝玩樂..haaa  (大少就黎返黎捉我走!!!)

依家每次出街, 都好似路痴咁,,, 邊到都唔識去,, 好彩痴住同伴,,, 有佢地帶住.. 去邊都唔怕

到左Megabox..第一時間搵野食,, 因為我每次約人都係好急好急咁出門口,, 絶對唔會係屋企食左早餐先出門,,, 所以我一見到YY Cake 已經大叫 "好肚餓呀!! 我要食野"

太耐無食燒味,, 所以當日我又選擇燒味飯!!! 去到太興,, 當然想飲"冰鎮咖啡",, 雖然YY Cake好語重心長咁提我,, "你病唔好飲凍野!!" 但我都唔理啦... 我要飲呀!!!! heeeeeeeeeee

第一次行Megabox,, 比起想像中多野行,,, 可能好多鋪頭已經開左,, 而且大部份都係家庭用品,, 好啱我行呀!! (即時打電話俾大少同佢講,, 我好想返香港長住呢~~)

見到呢d聖誕怖置, 真係滿心歡喜~~

hihi..大家我有咩唔同呀??

雖然食左藥, 個人好呆... (仲好口渴添!!!) 但都無礙我Shopping既心情...見到一d好可愛既手工藝品,, 又買左d返杜拜玩下, 打發時間!! 另外見到一個好靚既相架... 雖然暫時唔會攞出黎用,,,但我真係覺得好靚,,, 攞起上手都唔捨得放低...當然要買啦!!Haaaaa  (俾YY Cake見到我一食飽就出動購物添...)

呢d相架有燈架... 可能我太out date..未見過,, 覺得好靚呀!!!

時間過得好快... 尤其shopping shop得好開心既時候~~  大約下午三點幾, 我地約埋Cindy轉移陣地去YY Cake屋企玩焗蛋糕

**********************************************************************************

又係因為食左藥,, 個人好攰, 好眼訓.... 我無乜幫手,,, 攪左一陣,,已經好唔客氣咁自己係Sofa到訓覺小休一會..heeeeee

不過當朱古力Chiffon Cake出爐後,,我又好醒咁自自動動起身啦!!!  第一次食朱古力味chiffon...超正呢!!! 多謝YY Cake介紹呢隻可可粉俾我呀 (Van Houten)..  好好味..真係好好味!!

下午近五點半子曦放學返左屋企,, 發現有陌生人係屋企,, 即時被我同Cindy嚇到唔敢入屋... haaaaaaaa

不過經我同Cindy和譪可親咁逗佢玩,,好快就打成一片,,, 子曦仲好乖咁同我地影相, 傾計呢!!! (佢真係好可愛,,, 人仔細細識講好多野... 一叫佢影相, 仲識得好定咁笑住俾你影...haaaaaaaaa)

子曦... 我下次返黎見你, 一定又會長大不少.... 希望你下次見到我,,唔好又俾我嚇親啦~~

To YY Cake :

我又要講,,你真係一個萬能媽媽!!! 同你一齊出去,,感覺好好,,, 你又隨和,, 又細心!! 我同你一齊, 就好似攬住本知識庫出去咁... 因為有咩唔識唔知唔明,,一問你..你都識得解答~~ (你真係一個入得廚房, 出得廳堂既好女人!!!)

真係好想同你做鄰居,,,將來有咩唔識...有你呢個鄰居...實唔怕撞板呀!!!

To Cindy :

一個禮拜見你三次,,仲多過見我老豆.... haaaaaaaa 都係個句啦!!! 我地大家都要好好休息下..  我聽日又要再睇醫生啦...你都要take care呀!!!