難得健康!

上星期日,, 我唔知痴左邊條筋答應與友人一齊去"行山"!!!

無錯,,,係呀... 我除左吃喝玩樂... 連咁健康既活動我都撈埋...係咪好勁呢~~

今次行既係我屋企隔離既"栢架山"!!! 咁大個女都未試過行呢座山... 只係中學時代行上少少燒過野食咋!!

朋友S仲突登買本行山書睇下應該點行... 初初選擇一條需時2小時既山路行... 點知行錯左!! 行左2.5小時個條路, 想返轉頭又太遲.. 但當我地行左1/3到,,我已經有d頂唔順 (加上下午約左人,,唔可以行太耐)

呢張相係初初行左無耐時影架,,,當時已經開始全身發熱... 但臉色尚可..仲未知死!!!

途經燒烤場,, 好多人一家大細黎bb蕉~~ 好熱鬧!

呢間紅屋... 以前係屋企成日望到... 估唔到今日我自己行到佢面前親眼目睹!! 勁~

當我地發現行錯左2.5小時個條山路後,, 我提議不如算啦,, 唔好再行呢條!! (原本呢條山路可直達筲簊灣)  但因為我見到有個牌指住行去康怡花園...我心諗, 康怡同栢架山咁近,, 行康怡條路, 應該好快行完!!!

最後決定行指向"康怡花園"既山路... 向康怡出發!!! 沿途景色~~

最底靠右一排樓都係康怡花園... 望都望到,,應該好快到!!

行呢條山路較隱蔽,, 而且路較窄,, 仲好近山邊,, 都幾危險..要好小心行~~

但越行發覺越唔對路... 同眼望康怡花園既方面變相反左?!  咁究竟我係去緊邊呢?? 呢段路又少人行,, 想跟下大隊都唔得.... 不過已經行左咁耐,,又無理由返轉頭..唯有硬著頭皮繼續行啦!!

後來見到有個阿伯,, 多口問下佢究竟行去康怡呢條路,, 大約要幾耐先到終點呢??? 阿伯話"哦..好快姐,, 幾個字就到!!!"  聽佢咁講,, 個心當堂定d

眨下眼,, 阿伯一枝箭咁行左去,, 一直都再見唔到佢既影緃!!! 莫非佢係神派黎既使者?

沿途無乜壯觀風景... 只有藍天一大片+ 連綿既樹叢... 都幾靚!! 但當時好攰... 好想快d返屋企~

行左個幾鐘,,都仲未見有氣色... 開始懷疑頭先個位阿伯係咪玩野?!  幾個字?? 我行左成粒鐘都未到....

最後,, 我地估阿伯係用佢自己既步伐黎講,,咪係行幾個字囉... 但以我呢d shopping步姿...當然要雙倍時間啦!!!

松鼠係d樹到走黎走去,, 好得意!!!!

仲有,, 見到有個傻仔(年青人), 除晒衫, 唔著鞋唔著襪,, 情深款款攬住棵樹係到細細聲口up up.... 我諗佢同樹講緊秘密掛?! (香港真係乜都有!!)

最後, 我地前後用左兩個半鐘完成呢段山路.... 對我黎講好不容易呀~~ (朋友S問我下次仲行唔行?  我諗... 真係不是在此時, 不知在何時,, 我想大約會是在冬季!!!!)

行完山咁攰,,唔好以為我即刻返屋企休息... 我仲有下場呢!!!