懶人早餐

呢個星期, 大少&另一位同事要一連四日上駕駛堂! (係咪好奇怪點解要上駕駛堂??)

呢到雖然係有錢國家, 但一樣有好多大陸做野既影子..e.g. 乜都整d野出黎收你錢~

例如.. 你明明可以持國際車牌係到揸車; 但當你一攞左呢到既working permit visa, 你就要俾錢係到再學過揸車! (其實如果俾錢係換領呢到既車牌都算啦!! 但係佢地係要你俾錢上堂之餘, 再俾錢搵阿sir教車!!!)  好彩的話,, 大約七八千港紙就可以考到...

不過聽某d朋友講, 有d人係香港已經揸左十幾年車,, 一樣被呢到既考官Fail, 之後, 當然要你俾錢再考過啦~

吹咩!!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講返正題~~ 

大少&另一位同事take 既 course係朝早6:50分開始, 維持2小時!!!  遲到無得上...

第一日我地已經唔知醒... 攪到個司機&同事係我地屋企留下白等...

雖然我唔洗上堂...但我都要急急腳起身整早餐大少食架.. 晨早流流無野落肚上堂好辛苦架麻!! Day 1 我就剩係烘左兩份火腿多士俾佢地食  (但由於一早太過衝峰陷陣feel..佢出左門口後, 我竟然訓唔返!!!)

第二日我學精左... 焗左個特大雪芳蛋糕... 除左夠大少&同事食外, 仲可以攞埋俾個司機食... 最開心係我只需前一日分好入密實袋就可以安心訓覺... 第二日亦都唔洗再起身打仗!! 係咪好醒呢~~  (練精學懶我至叻!! yeah.. 我至叻~~)

 

平時早餐會食粟米片或多士.. 好少食Chiffon做早餐... 原來chiffon做早餐真係好鬼方便.. 就算食2日都仲好軟熟~

呢個新殖膠模真係好正... 就算無落牛油撲高粉都唔難甩模

但唯一美中不足係芝麻味唔夠... 因為屋企無"日清麻油", 我只係落芝麻粉&芝麻粒粒... 芝麻味要咬到芝麻粒先食得出... 失敗失敗!!

我覺得做Chiffon最開心既就係好軟熟既感覺,令人好有滿足感!!!! yeah~

食譜來源 : Vanlily (餅神)

******************************************************************************************************************

你地有時問我屋企個爐係咪好大?? 其實我唔識分,,因為我都好少留意一般既oven有幾大... 你地自己比較下!