我嘿~

感恩感恩!!!!

我嘿~ 跳一跳,, 我又返左杜拜啦!! haaaaaaaa

唔同大家透露既原因係連大少都唔知我突然間返去,, 返到屋企,, 佢好Surprise...開心到係咁笑唔停口~~   (特別嗚謝Mandy & Pun 幫我保守秘密, 仲去機場接我!!)

尋日仲係香港,, 今日已經身在杜拜,, 飛機真係一項偉大既發明!!!

大家都知我怕坐飛機...但感謝主, 一直既保守,, 看顧,  令我能夠平安到步~

最令我意想不到既,, 我臨上機一刻,, 工作人員同我講 : 劉小姐,, 我地安排左upgrade你到business class ~~

噢.. 真係感恩感恩!!! 每次上機前都會問有冇得upgrade,,但每次既答案都係"唔好意思,, 做唔到", 所以除左用 milage upgrade, 平時都好難可以摶到免費upgrade!! 不過世事既野就係咁,, 往往當你無諗到會有既時候,,, 神就會安排俾你~~ (感謝主!!)

坐下午機,, 開始日落... 咸蛋黃好靚呀!!

坐左係business class, 無機翼阻住,, 影到既日落都令舍靚過人!!

飛機餐~~ 好似係出面食咁正!! 頭盤有椒子及露筍拼煙鴨胸, 沙律有potato, 椒子及橄欖伴鮮蔬 w/ vinegar dressing

姑勿論好唔好食,, 我覺得我所得到既野都係神賜俾我,, 整個旅途上都充滿感恩之心!!

呢個沙律我最鐘意!!

Main Course 我選擇左照燒雞脯配日式飯及時蔬...  另外唔想食得太飽,, 所以甜品選擇時令鮮果... 放棄左青檸芝士蛋糕

感恩呀!!! 我臨上機係lounge到食左一碗雲吞麵,, 然後食藥,, 為著想上機可以有覺好訓... 依家坐到商務位,, 真係舒服到暈呀!!!

八個鐘頭機.. 我睇左兩套戲!! 其間發現天空有好多星星,, 真係多到不得了!! 平時一個人坐飛機, 總會選擇路邊坐位, 就算坐窗邊位, 因為近機翼, 有閃燈不斷閃下閃下,,都唔知原來夜晚係萬尺高空上望星星, 係如此壯觀!!!!

見到滿天都係星星,, 又再一次讚嘆神既偉大~~ 當時我心諗,, 唔知會唔會見到流星呢?? 當我在細看數分鐘後,, 真係有一顆流星係我眼前劃過!!! OMG~~ 見到個一刻, 真係叫左出黎,, 好amazing!! 神真係聽到我既心聲...  但貪心既我,, 又心諗,, 唔知會唔會再見到呢?? 我前前後後望住個天, 望左20分鐘到,, 見到三次流星呀,, 好開心!!! (當時就好似同神係到互相交流緊.. 哈!!)

臨落機前個半鐘, 仲有一餐Refreshment .... 雲吞麵 or 咖喱批! 返杜拜無得再食雲吞麵,, 所以我又選擇食多次..haaaa

另外仲有一樣要感恩既係... 坐我身旁既法藉男仕十分gentleman, 雖然係法藉, 但佢既英文好好呢... 同佢傾計都唔會有困難... (同去法國見到既法國人完全係兩回事!!) 加上因為我坐窗邊位, 佢不時都會問我要唔要飲野, 要唔要去洗手間!! 令我呢個旅程,, 好自在, 好舒服... 感謝主!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

想介紹一下坐Business既travel kits好唔錯!!!

今次我派到既藍色Agnes b. travel kit~~

內附物件... 護膚品, 耳塞, 棉襪, 個人清潔用品等..

Murad 潤唇膏, Eye Cream, Night Cream...之前無聽過呢個牌子,, 但機上Toilet provide佢既cleanser & Body Cream都唔錯... 有機會去睇下貴唔貴先!! (潤唇膏好好用!!)

另外仲有高露潔既贊助!!! 呢枝牙膏仔去旅行用啱晒~~

Agnes b. 贊助既有袋, 眼罩, 梳&牙擦...

我上次坐Business 派既係粉紅色.. 我覺得好核突!!

但原來護膚品贊助有唔同,, 上次係Dermalogica

而大少上次坐business既Travel kits又有唔同!!

我覺得黑灰最靚!!

佢既護膚品又係Murad..但同我今次既又有唔同!!! (真係唔錯,, 呢幾支去旅行用都可以用一個禮拜啦!)

唔知佢係咪有分男女? 佢連把梳既款都唔同...

大少話我今次真係好好彩,,平時用milage upgrade有時都full晒無得坐...但今次無啦啦就upgrade俾我!! (感恩感恩~~)

其實坐商務客位唔係一件咩咁巴閉既事, 只係真心感受到神為我預備既一切!!!   深深明白到,, 神真係會為我地安排每一件事,, 無論好與壞, 都有神既旨意, 我要好好學習全心依靠主~

不過老實講, 坐商務真係好舒服... 待遇又好好... 成個人突然間矜貴左好多咁.. haaaaaa ~~ 唔怪得之d大明星呀, 高官呀, 開公數既商務人員係都要坐Business class 啦!! 不過有時諗, 就算有錢, 我都唔捨得明碼實價咁買張商務機票.. 因為價錢實在太貴啦!!