復職

啱啱呢個星期五至星期日, 一連三日都係假期 (五六係基本假, 日係UAE國慶日!!) , 日日有大少倍係身邊真係好開心..

雖然我返黎時仍帶病在身, 加上唔知點解一返黎就氣管敏感,, 咳到甩肺, 所以都無心機出去玩!! 日日留係屋企睇電視, 煮下飯食... 但一樣好開心!!! (尤其一齊訓晏覺...最舒服!)

有呢幾日既定時食藥加充足休息.. 我今日已經好返晒~~ 無流鼻水, 無咳, 無鼻塞!! yeah ... 係香港病足三個禮拜.. 返黎三日就好返晒! 

大少話.. 多得佢倍住我, 照顧我喎!  我反駁一句,, 只因我呢邊無朋友, 無娛樂, 迫住係屋企休息姐!!!

返黎訓醒第一日就即刻要復職.... 雖然屋企百無, 但都要煮早餐俾大少食架!!!

簡單既多士 + 湯米 (全部都係用剩餘物資煮成... ) 大少食得好開心... 佢話終於食野時候有人同佢講野啦!! 突然間覺得自己返香港玩左咁耐,,好衰呀~~

多士做法係跟Miss Jubie既食譜.. 方便又好味!

午餐... (又係因為屋企"麥道舞", 加上我又唔舒服,, 所以食粥!!)

今次係香港帶返去既新食品有..... 即食海析!!! yammy~~

無咪咪吉煲既垃圾粥咁多料,, 只有瑤柱&皮蛋咋!

又係簡單既一餐.. 但大少又激讚好味!!!  鬼咩..唔洗佢煮佢洗.. 梗係好味啦..

最終尋晚頂唔順走左去入貨.. 今晚總算有餐似樣d既晚飯!

每樣餸都揀大少至愛黎煮... 泰式生菜包!!! 加左朋友秘制既XO醬黎炒..好辣呀!! 但好好味~~

西芹炒鮮魷... 我自己都好耐無食西芹.. 好清香...正!!

當然唔少得煲返啖湯水俾大少飲啦!!! 花膠螺片排骨湯.. 雖然又係用湯包.. 但自己加左咁多料... 點會唔好味?!

豐富既一餐!!!  我地邊食邊睇"麥道舞"... 好好笑呀~~

近日用薄荷葉加檸檬沖蜜糖水飲..好潤...而且咳既時候飲一杯飲辣辣既"薄檸蜜"...條氣管當堂舒服好多.. 大家不妨試試!!!!

******************************************************************************************************************

怪事連連 : 驚嚇度 *****  

莫非我真係o係香港玩創個心?? 返到黎復職第二日已經烏弄百出~~

話說尋日朝煮早餐... 用細火煎蛋.. 到左夜晚十二點訓覺時去廚房熄燈.. 先知自己朝早用既火,, 一路都係"無熄到"!!!!!!!  尋日夜晚仲出左街入貨兼食飯... 一直都無人發現 (因為個火太細, 唔覺有火光!!) 到夜晚大少熄燈先見到點解有團火閃下閃下~~

真係.. 點解我會咁大頭蝦??!!

今朝,,又係煮早餐... 開大個火落油... 等佢熱!! 轉個頭掛住望大少係到整豆漿.. 我又八掛去攪攪陣.. 攪完仲行黎行去唔知做乜?? 大少問我.. 你隻獲出晒煙啦~~ 你想煮乜架???  OH.... my GOD!!!! 發瘟囉.. 我做乜事咁懵架??? 開始懷疑自己係咪開始提早衰老?? 

大少仲話要係d牆到貼大字報提我"請出門時檢查爐頭"!!! 死啦..我攪乜呀? (家姐.. 你要幫我咸驚呀.. 我諗我有七魄仲係hk呀~~)